Беларусь елі теміржол арқылы жүк тасымалдау тарифін көтерді
Беларусь Республикасының Ұлттық құқықтық интернет-порталының 2026 жылғы 14 тамыздағы мәліметіне сәйкес, Бәсекелестікті реттеу және сауда министрлігі (БРСМ) базалық тарифтер деңгейін орта есеппен 9,5%-ға көтерді, деп хабарлайды Rail-news.kz.
Түзетулер БРСМ-нің 2026 жылғы 12 тамыздағы № 45 қаулысымен бекітілген. Шешімнің басты мақсаты — тасымалдаушының шығынды тасымалдарды айырабытау (кросс-субсидиялау) салдарынан шеккен шығындарын ішінара өтеу.
Тасымалдаудың түпкілікті құны әр жүкке жеке есептеледі. Онда жүк түрі, қашықтық, салмақ сияқты басқа да сипаттамалар ескеріледі. Сонымен қатар, экономикалық тұрғыдан тиімді болса, Беларусь теміржолы жеңілдіктер ұсына алатыны жазылған.
Жаңа тарифтерді қалыптастыру мен қолдану ережелері БРСМ-нің 2026 жылғы 13 тамыздағы № 46 қаулысында бекітілген. Айта кетерлігі, бұл өзгерістер тек шаруашылық жүргізуші субъектілердің жүк тасымалына ғана қатысты, жолаушылар тасымалына әсер етпейді.
«№ 45 қаулы 2026 жылғы 14 тамыздан бастап күшіне енді. Ал № 46 қаулы ресми түрде жарияланғаннан кейін қолданысқа енгізілгенімен, оның талаптары 2026 жылғы 14 тамыздан бастап туындаған құқықтық қатынастарға да қолданылады», - делінген құжатта.