Семей ЖТ бөлімшесінің бір тәулікте 154 вагон жүкті түсіріп-тиеуге мүмкіндігі бар

Жүк тасымалы
18.02.2022, 11:53
Қуаныш Қожаев

Абай облысы бойынша меншікті тілші

Соңғы бірер жылдың көлемінде Семей ЖТ бөлімшесінде логистика және жүк тасымалын ұйымдастыру бойынша тың тәсілдер қолға алынуда. Алғашқы нәтижелер жаман емес. Өткен жылды қорытындылаған бөлімше басшылығы осындай қорытынды жасады.

Бөлімше басшысының логистика жөніндегі орынбасары Болат Өтегеновтің айтуынша, көптеген кедергілерге қарамастан өткен жылы жүк тиеу көрсеткішін арттыру 104 пайызға орындалған. Ал, биылғы жоспар бұдан да көлемді болып тұр. Оған қол жеткізу үшін логистика саласының мамандары статистикалық жүктемені арттыру бойынша тың шаралар қабылдауда. Атап айтсақ, жергілікті вагон айналымын ширатып, бір жүк тиеу операциясын жүзеге асырудағы контейнерлік пойыздарды сұрыптауды қайта қарастыруды жүзеге асырмақ.

Мәселен, техникалық жоспардың артығымен орындалуы үшін бұл жұмыстардың маңыздылығы зор екендігі өткен қаңтар айындағы көрсеткіштер бойынша толық дәлелденіпті.

– Бүгінде бөлімше көлемінде жүк айналымын арттыру бойынша бірқатар тың шаралар қабылданған. Оның нәтижелі екендігін көрсеткіштердің өсуінен анық байқауға болады. Атқарылған жұмыстардың ішінде әсіресе жүк пойыздарын межелі жерге кестеден кешіктірмей жеткізіп, жүктерді түсіру ісін оңтайластыру басымды орын алады. Бұл орайда өткен жылы барлық станциялардағы жүк түсіру 109 пайызға орындалды. Қазіргі мүмкіндіктер бойынша бір тәулік ішінде 154 вагон жүкті шектеулі мерзім ішінде түсіріп, босаған вагондарды қайта құрастырып жолға шығаруға толық мүмкіндік бар, – дейді Семей ЖТ бөлімшесі басшысының логистика бойынша орынбасары Болат Оразтайұлы.

Айта кетерлігі, бұл шараларды жүзеге асыру барысында жоспардан тыс жұмыстар да орын алуда. Мәселен, Суықбұлақ пен Жаңғызтөбе станцияларынан жол құрылысына арналған жүктерді тиеуге берілген тапсырыстың бірден артып кетуінен жүктеме көлемі күрт өскен. Жүк станцияларындағы техникалық процесс барысында мұндай жағдайлар да ескеріледі. Болат Өтегеновтің айтуынша, өткен жыл мен биылғы қаңтар айы бойынша тиелген жүк ішінде бидай мен ұн өнімінің артып отырғаны байқалады. Өткен жылы оның орындалуы алдыңғы жылмен салыстырғанда 174 пайызға өскен. Ұн өнімдері негізінен Шығыс Еуропа мен Орта Азия елдеріне жөнелтілген.

Сол тәрізді жүк жөнелтуші «Алам Сервис» ЖШС-нің тапсырысы аясында түсті металл көлемі де айтарлықтай ұлғайған. Мұның барлығы биылғы атқарылар шаралар үшін елеулі жүктеме болары анық.

Дегенмен жүк айналымы бойынша анықталған кемшіліктер де жоқ емес. Бұл жайт, әсіресе, станция басы аса қауырт саналатын Жаңа-Семейде байқалған. Атап айтсақ, «Жылукоммунэнерго» МКК-нің өздеріне тиесілі көмір тиелген вагондарды қабылдап алудағы мимырт қимылы біраз бөгет болған. Бұл жайттар өткен жылдың қараша-қаңтар айларында тіркеліпті. Қазіргі күні бұл станция қызметкерлері олқылықтың алдын алу шараларын ойластырып жатыр. Тіркелген жайттың барлығы ағымдағы жылғы бөлімше көлемінде жүргізілетін техникалық процесс барысында толықтай ескеріліп, оң қорытынды шығарылуы тиіс. Жүргізілген талдау мен сараптама осыны міндеттейді.

ҚТЖ келбеті
25.08.2025
Теміржолшы Мақсат Абатов «Самұрық-Қазына» спартакиадасынан алтын және күміс жүлдемен оралды
Әлемде
25.08.2025
Сауд Арабиясына арналған пойыздарға Rolls-Royce қозғалтқыштары салынбақ
Аймақтар
25.08.2025
Маңғыстау теміржол өткелдерінде биыл бірде-бір жол апаты тіркелмеді
Әлеумет
25.08.2025
Мектепке жол: оқу құралдары сыйға тартылды
Аймақтар
25.08.2025
Ең арзан пойыз – оңтүстікте
Инфрақұрылым
25.08.2025
Қызылорда жол дистанциясында теміржол күтімі қарқынды жүріп жатыр
Жолаушылар тасымалы
25.08.2025
ҚТЖ-ның жолаушылар пойыздарында 140 ереже бұзушылық анықталды
Жаңалықтар
22.08.2025
ҚТЖ бүкіл ел бойынша вокзалдарды ауқымды жаңғыртуды жүргізуде
Инфографика
22.08.2025
Биыл «Достық – Мойынты» учаскесінің екінші жолдарының құрылысы аяқталады
Инфографика
22.08.2025
ТХКБ бойынша жүк тасымалы соңғы бес жылда 6 есеге өсті
Инфрақұрылым
22.08.2025
Теміржол әлеуеті сөз болды
Цифрландыру
22.08.2025
Цифрландырудың бес бағыты
Қауіпсіздік
22.08.2025
Кәсіби қырағылық: вагон қараушы пойыз қозғалысын қауіптен қорғады
Әлеумет
22.08.2025
Маңғыстаулық теміржолшылар отбасы Астанадағы байқаудан жүлдемен оралды
Аймақтар
22.08.2025
Семей теміржол вокзалы жаңғыртылуда
Жаңалықтар
22.08.2025
Жүйелі жұмыстар жалғасуда
Жаңалықтар / Мұрағат
22.08.2025
Қазақстан теміржолшысы газеті, №68 22 тамыз 2025 жыл
Әлемде
21.08.2025
Alstom жаңа сутекті пойызын сертификаттауға шығарды
Жүк тасымалы
21.08.2025
"Шұбаркөл Премиум" көмірін тасымалдау бойынша рекорд орнатылды
Аймақтар
21.08.2025
800 метрге дейінгі түйіспесіз рельс плеттерін дайындайтын кәсіпорын