Магистраль майталмандары марапатталды
«Қазақстан теміржолшысы» газетінің тілшісі
Төл мереке қарсаңында «ҚТЖ» ҰК» АҚ Магистральдық желі дирекциясы филиалы үздік қызметкерлерін марапаттап, құрмет көрсетті.
Салтанатты жиында сахна төріне шыққан дирекция директоры Сәкен Рахметов алдымен «Құрметті теміржолшы» белгісін алған 10 теміржолшыны марапаттады. Сонымен қатар 1 адам «ҚТЖ» ҰК» АҚ Басқарма төрағасының Құрмет грамотасына ие болды. Басқарма төрағасының Алғыс хаты да дирекцияның бір қызметкеріне берілді. Одан әрі дирекция филиалы директорының Құрмет грамотасы 4 адамға, Алғыс хаты 40 адамға табыс етілді. Осы Алғыс хат «ҚТЖ-100 жас есім» жобасының 4 қатысушысына да ұсынылды.
Бүгінде аталған дирекцияда ел бойынша 43170 адам еңбек етеді. Жалпы дирекцияға қарасты құрылымдық бөлімшелерге келсек, филиал құрамына 45 жол дистанциясы, 35 белгі беру және байланыс дистанциясы, 25 электрмен жабдықтау дистанциясы, 12 Магистральдық желі бөлімшесі, 12 өңірдің теміржол вокзалы, 12 вагон қалпына келтіру пойызы және басқа да кәсіпорындар қарайды.
