Жаңа өткел Нұрлы кенті мен елорда арасындағы қашықтықты қысқартты (Фото)
![](https://rail-news.kz/uploads/2023/10/17/LgB6nYGvJqQEtcsvNozFMfNIFtiGWfN2vAjEq9OF.jpg)
«ҚТЖ» ҰК» АҚ Астана қаласы әкімдігімен бірлесіп, елорда маңындағы Нұрлы тұрғын алабында теміржол өткелін көшіру бойынша жұмыстар жүргізді, деп хабарлайды Rail-news.kz.
Нұрлы елді мекені Астанадан 10 км қашықтықта орналасқан. Онда 1,5 мыңнан астам адам тұрады. Ауыл тұрғындары елордада жұмыс істейді, балалар қалалық мектептерде оқиды. Бұрын олар қалаға ауылдан 3 км қашықтықта орналасқан теміржол өткелі арқылы жететін.
![](https://rail-news.kz/uploads/attachments/zha-4560-3024x2018-652d054251f62-652e0358d4b9f.jpg)
Кент пен Астана арасындағы көліктік қолжетімділікті жақсарту үшін тұрғындардың өтініші бойынша 513 км-дегі күзетілетін теміржол өткелі жойылып, жаңа ординатаға – Қырқыншы – ОП-42 аралықтың 515-ші километріне ауыстырылды. Енді Нұрлыдан өткелге дейінгі қашықтық шамамен 850 метрді құрайды.
– Өткел 513 шақырым жерде болғанда, күн сайын оған жету үшін дала жолымен 2,5 шақырым жол жүруге тура келетін. Өткелді ауыстырғаннан кейін қалаға жол айтарлықтай қысқарды, – дейді Нұрлының жергілікті тұрғыны Анар Жүкенова.
![](https://rail-news.kz/uploads/attachments/zha-4571-3024x2018-652d0534e5a20-652e03676cf06.jpg)
Тәулігіне шамамен 75 пойыз бен 3000 астам автомашина жүретін темір жол өткеліндегі қауіпсіздікті кезекші бақылайды. Кезекші үшін қауіпсіз және жайлы еңбек жағдайларын қамтамасыз ету үшін электр жылытумен, ауа баптағышпен, күзет-өрт дабылымен, бейнебақылау камераларымен, жиһазбен және тұрмыстық техникамен жабдықталған жаңа модульдік бекет ғимараты орнатылды.
![](https://rail-news.kz/uploads/attachments/zha-4583-3024x2018-652d054d1d6b1-652e036f85abb.jpg)