«ҚТЖ» ҰК» АҚ Басқарма төрағасы Нұрлан Сауранбаевтың құттықтауы
Республика күніне орай «ҚТЖ» ҰК» АҚ Басқарма төрағасы Нұрлан Сауранбаев теміржолшыларды құттықтады, деп хабарлайды Rail-news.kz.
Құрметті әріптестер және сала ардагерлері!!
Республика күніне орай шын жүректен шыққан ыстық лебізімді қабыл алыңыздар. Бұл күн ата-бабамыздың ғасырлар бойғы аңсаған арманының орындалған күні. Көк туымыз желбіреп, келешегіміз жарқын болсын.
Бүгінгі күннің тарихи маңызы бар. Осы айтулы күні Мемлекеттік егемендік туралы декларациясы қабылданып, ол еліміздің қасиетті Тәуелсіздігіне жол ашты. Қазақстан әлемдік қоғамдастық мойындаған тәуелсіз және демократиялық мемлекет ретінде заңды түрде ресімделген мәртебеге ие болды.
Бұл мереке ел тарихындағы мүлдем жаңа дәуірдің басталуын білдіреді. Қазақстан алғаш рет халықаралық қатынастардың толыққанды субъектісіне айналды. Осы кезеңде ел үлкен және күрделі жолдан өтіп, айтарлықтай жетістіктерге жетті.
Еліміз үшін ауқымды және маңызды жобаларды мыңдаған теміржолшылар ұжымы да жүзеге асыруда. Біз тасымалдау қарқынын арттырып, желінің өткізу қабілетін кеңейту жөніндегі міндеттерді шешудеміз, жаңа логистикалық бағыттарды игеріп келеміз.
Құрметті әріптестер! Жемісті еңбектеріңіз, кәсіби маман ретіндегі компанияның дамуына және елдің өркендеуіне қосқан үлестеріңіз үшін алғыс айтқым келеді!
Сіздерге еңбекте табыс, отбасыларыңызға береке мен бірлік тілеймін. Қолға алған барлық істеріңіз сәттілікпен өріліп, жаңа Қазақстанды құру жолындағы ісіміз алға баса берсін!
Құрметпен, Нұрлан САУРАНБАЕВ, «ҚТЖ» ҰК» АҚ Басқарма төрағасы