2027 жылға қарай Транскаспий дәлізінің өткізу қабілетін 10 млн тоннаға дейін ұлғайту жоспарланып отыр – министр

Жаңалықтар
17.11.2023, 10:41
Сурет: Көлік министрлігі

Мемлекет басшысының Қазақстанның көлік-логистикалық әлеуетін дамыту туралы тапсырмасына сәйкес көлік министрі Марат Қарабаев республиканың көлік инфрақұрылымын дамыту мәселелері бойынша шетелдік компаниялармен бірқатар екіжақты кездесу өткізді, деп хабарлайды Rail-news.kz.

Көлік министрлігі баспасөз қызметінің мәліметінше, Түркиядан келген конгломераттық компания Albayrak Group Каспийдегі теңіз портының инфрақұрылымын жаңғыртуға инвестиция салуға дайын. Халықаралық бизнесті дамыту жөніндегі директор Джумхур Гюзелтчи компанияның мүмкіндіктері туралы айтып берді.

Albayrak Group Трабзон, Могадишо, Конакри және Баку қалаларындағы порттарды басқарады. Холдинг жүктерді үздіксіз тасымалдауды қамтамасыз етуге және Транскаспий халықаралық көлік бағыты арқылы тасымалдау көлемін ұлғайтуға қызығушылық танытады.

Global DTC (сингапурлық PSA-ға тиесілі) және KPMC (PSA және «Қазақстан темір жолы» ҰК» АҚ бірлескен кәсіпорны) компанияларының басшылығымен кездесуде Азия мен Еуропа арасындағы Транскаспий халықаралық көлік маршруты бойынша транзит пен сауданы дамытуға қатысты мәселелер көтерілді.

2022 жылғы тамызда «ҚТЖ» мен PSA арасында Транскаспий халықаралық көлік маршруты менцифрлық сауда дәлізін дамыту саласындағы ынтымақтастықты көздейтін меморандумға қол қойылғанын естеріңізге сала кетейік.

PSA International – Сингапурдағы жетекші компаниялардың бірі, құрамына 60-тан астам теңіз, теміржол және ішкі терминалдар кіреді.

Сонымен қатар министр Марат Қарабаев Rail Cargo Group өкілі Даниэль Дезсомен кездесіп, екі жақ компанияның ТХКМ қауымдастығына кіру және Қазақстанда өкілдік ашу мүмкіндіктерін талқылады.

Rail Cargo – Австриядағы тәуелсіз жүк тасымалдау компаниясы, Еуропаның 18 елінде кеңселері бар. Компания ЕО-дағы жетекші теміржол логистикалық компаниялардың бірі болып табылады және жылына 507 мыңға жуық пойызға қызмет көрсетеді.

Қазіргі уақытта Rail Cargo Транскаспий халықаралық көлік маршрутына баса назар аударып отыр.

Мүдделі тараптармен жүргізілген келіссөздер барысында М.Қарабаев Президенттің тапсырмасына сәйкес көлік министрлігі елдің көлік-логистикалық әлеуетін арттыруға ерекше назар аударатынын атап өтті. Осыған байланысты ведомство қажетті қолдау шараларын көрсетугедайын.

«Бүгінде министрліктің алдында Қазақстанның сенімді континенттік транзиттік хаб ретіндегі рөлін нығайту міндеті тұр. Мемлекет басшысы республика әуежайларында мультимодальды хабты дамытудың маңыздылығын атап өтті», - деді министр.

Сондай-ақ ведомство басшысы Транскаспий халықаралық көлік маршрутының маңызды буынысаналатын Орта дәлізді одан әрі дамыту жоспарларымен бөлісті.

«2022 жылдың қараша айында Әзербайжан, Грузия және Түркиямен бірлесіп «тар жерлерді» синхронды түрде жою жөніндегі Жол картасына қол қойылды. Нәтижесінде 2027 жылға қарай Транскаспий халықаралық көлік маршрутының өткізу қабілетін жылына 6 млн тоннадан 10 млн тоннаға дейін ұлғайту және жеткізу мерзімін 14-18 күнге дейін қысқарту жоспарланып отыр. Өздеріңіз білетіндей, орта дәліздің географиясы белсенді түрде кеңейіп келеді. Біз осы саладағы ынтымақтастықты одан әрі нығайтуға дайынбыз», деп атап өтті көлік саласына жауапты министр Марат Қарабаев.

 

Жаңалықтар
28.09.2025
ҚТЖ басшылығы Астана-1 вокзалының жөндеу жұмысымен танысты
Жаңалықтар
27.09.2025
Құрметті теміржолшы «Құрмет» орденімен марапатталды
Жаңалықтар
27.09.2025
ТХКБ-ны бірлесе дамыту жайы талқыланды
Жаңалықтар
27.09.2025
ҚТЖ-да «HR – өндіріс серпіні» стратегиялық HR-сессиясы өтті
Жаңалықтар
27.09.2025
Темір жолдар мен тағдырлар: Алматыда «Жолдар» телехикаясының түсірілімі басталды
Жаңалықтар
26.09.2025
Еліміздің теміржол көлігі жаңа деңгейге көтерілуде: ҚТЖ және Wabtec ауқымды әріптестікті іске қосты
Цифрландыру
26.09.2025
Бейнебақылау камерасына баға берсек...
Инфрақұрылым
26.09.2025
Астанада өткен форумда ұлттық жобалар сөз болды
Аймақтар
26.09.2025
Арыс-2 вокзалы қайта салынуда
Цифрландыру
26.09.2025
Цифрландырудан – жасанды интеллектке дейін
Аймақтар
26.09.2025
Шиелі вокзалы тарихи келбетін сақтай отырып жаңғыртылуда
Жаңалықтар
26.09.2025
100-ден астам студен ҚТЖ-ның орталық музейінде болды
ҚТЖ келбеті
26.09.2025
Парк кезекшісінің ерлігі
Қауіпсіздік
26.09.2025
Алғашқы көмек – маңызды
ҚТЖ келбеті
26.09.2025
Ұтқыр шешімге негіз болған ұсыныс
Аймақтар
26.09.2025
Арнайы жасақтың ауқымы кең
Аймақтар
26.09.2025
Марапат иесін тапты
Жаңалықтар / Мұрағат
26.09.2025
Қазақстан теміржолшысы газеті, №78-79 26 қыркүйек 2025 жыл
Қауіпсіздік
25.09.2025
Қауіпсіздік – ревизордың көзімен
Аймақтар
25.09.2025
Абай әлеміне саяхат