Өзбекстанның 18 азаматы «Самара-Ташкент» пойызынан түсірілді
«Самара-Ташкент» пойызынан ҚР Көші-қон заңнамасын бұзғаны үшін Өзбекстанның 18 азаматы түсірілді, деп хабарлайды Rail-news.kz.
Көліктегі полиция департаментінің қызмет көрсету аумағында тиісті қоғамдық тәртіпті сақтау, қылмыстардың алдын алу, жолын кесу мақсатында ағымдағы жылдың 10-20 сәуір аралығында «Құқықтық тәртіп» жедел профилактикалық іс-шарасы өтуде.
Іс-шараның 6 күнінің қорытындысы бойынша 32 қылмыс тіркелді, бұрын жасалған 7 қылмыс ашылды, іздеуде жүрген 9 қылмыскер ұсталды.
Сондай-ақ 2134 әкімшілік құқық бұзушылық анықталды, оның ішінде қоғамдық орындарда алкогольдік ішімдіктер ішкені үшін 202, ұсақ бұзақылық жасағаны үшін 28, шетелдіктің көші-қон заңнамасын бұзғаны үшін 112 және т.б.
Мәселен, Арыс-1 станциясындағы желілік полиция бөлімінің қызметкерлері «Самара–Ташкент» бағытындағы жолаушылар пойызын тексеру барысында заңнамада белгіленген мерзім өткеннен кейін он тәуліктен астам уақыт ішінде кетуден жалтарған ҚР Көші-қон заңнамасын бұзған Өзбекстан Республикасының 18 азаматын анықтап, поездан түсіріп алды.
Көлік полицейлері құқық бұзушыларға қатысты шетелдіктің немесе азаматтығы жоқ тұлғалардың Қазақстан Республикасының Халықтың көші-қоны саласындағы заңнамасын бұзғаны үшін әкімшілік хаттамалар толтырып, Түркістан облысы Сарыағаш ауданының мамандандырылған әкімшілік сотына жолданды.
Оларға 5 жыл мерзімге ҚР аумағына кіруге тыйым салу белгіленіп, Қазақстан Республикасы аумағынан тысқары шығарып жіберу түріндегі жаза қолданылуы мүмкін.