«KTZ Express» АҚ және Global DTC ТХКБ цифрлық дәлізді іске қосады
«KTZ Express» АҚ және Global DTC Pte Ltd. Транскаспий халықаралық көлік бағыты шеңберінде цифрлық дәліз құру жөніндегі жобаның іске қосылғаны туралы хабарлады.
Іске қосу туралы декларацияға 2024 жылғы 23 мамырда Қазақстан Республикасының Мемлекет басшысы Қ.К. Тоқаевтың қатысуымен Сингапурда Қазақ-Сингапур Бизнес-форумы аясында қол қойылды.
Құжатта Қытайдан Еуропалық Одақ елдеріне темір жол көлігімен Қазақстан Республикасы арқылы өтетін жүктердің электрондық транзитін кедендік ресімдеу жобасын іске қосу, сондай-ақ Tez customs цифрлық платформасының ТХКБ тиімді үздіксіз жұмысын қамтамасыз ету жөніндегі бірлескен іс-шараларды іске асыру бойынша ынтымақтастық көзделген.
Естеріңізге сала кетейік, Tez Customs платформасы ҚХР-дан Орталық Азия елдеріне жеткізу кезінде жүктерді электронды түрде кедендік декларациялауды жүзеге асыруға мүмкіндік береді.
«Біздің Global DTC-мен бірлескен бастамамыз көлік логистикасын дамыту үшін жаңа мүмкіндіктер ашады. Цифрлық технологияларды кедендік ресімдеу процесіне интеграциялау тасымалдардың тиімділігі мен ашықтығын едәуір арттырады", - деп «KTZ Express» АҚ-ның Бас директоры Дамир Қожахметов атап өтті.