«Қазақстан теміржолшысы» газетінің тілшісі Industry Power байқауының жеңімпазы атанды
![](https://rail-news.kz/uploads/2024/08/29/n4c11fq7n45qcbmxgHUBI2vG0Ha6PPJ81SoVtwLc.webp)
«Қазақстан теміржолшысы» газетінің тілшісі Сұлугүл Бәкесова Industry Power журналистер байқауында «Көлік саласы жайлы үздік материал» аталымы бойынша жеңімпаз атанды, деп хабарлайды Rail-news.kz.
Жеңімпаздарды марапаттау рәсімі NU алаңында өтті.
Ұйымдастырушылардың айтуынша, байқауға 100-ден астам жұмыс қатысқан, әсіресе өңірлерден Павлодар мен Қарағандыдан көптеген өтінім түскен. 25 автор іріктеуден өтіп, олардың жартысы жеңімпаз атанды.
![](https://rail-news.kz/uploads/attachments/whatsapp-image-2024-08-29-at-202517-66d09dace2ab8-66d0a51b6d2b6.jpg)
Байқауда «Қазақстан теміржолшысы» газетінің тілшісі Сұлугүл Бәкесова Көлік саласының үздік журналисі атанды.
«Жеңімпаздар қатарынан табылғаныма өте қуаныштымын және ұйымдастырушыларға біз сияқты салалық журналистерге кәсібилігімізді көрсетуге мүмкіндік бергені үшін алғыс айтамын. «Қазақстан теміржолшысы» газетінде 20 жылдан астам қызмет етіп келемін, өз ісімді қатты жақсы көремін. Транспорт тақырыбы өте күрделі, нақты ақпаратты қажет етеді, оған қоса оқырмандарға қызықты әрі түсінікті етіп жазуың керек. Осы саладағы еңбегім бағаланғанына қуаныштымын. «Industry Power» байқауын ұйымдастырушыларға алғыс айтамын», - дейді С. Бәкесова.
Айта кетейік, байқауды еліміздегі салалық PR-ды дамыту мақсатында құрылған PR Alliance қауымдастығы ұйымдастырды.
![](https://rail-news.kz/uploads/attachments/whatsapp-image-2024-08-29-at-202518-66d09d9c6ce37-66d0a503abab9.jpg)