«Кіші Түрксіб» пайдалануға беріледі

Жаңалықтар
24.10.2024, 16:46
Қуаныш Қожаев

Абай облысы бойынша меншікті тілші

Республика күні мерекесі қарсаңында Семей қаласында балалар теміржолының құрылысы толық аяқталды. Алдағы күндерде пайдалануға берілмек. 1995 жылы қаржылық қиындықтарға байланысты жабылып қалған нысан осылайша қайта жанданбақ.  

Өткен айдың басында «ҚТЖ» ҰК» АҚ басқарма төрағасы бастаған басшылық құрам Ертіс ортасындағы аралда болып, қайта жаңғырған осынау құрылыстың барысымен танысқан болатын.  

Қазір мұнда Ресейдің Удмуртия өлкесінен әкелініп құрастырылған, заманауи үлгіде жабдықталған вагондар мен тепловоз іске қосылуға дайын тұр. Ұзындығы 12 метр болатын әр вагонда 32 орындық бар. Егер сұраныс арта түсетін болса, алдағы уақытта қосымша вагондар тапсырыспен алынатын болады.  

Бір мезетте 100 бала саябақты пойызбен аралай алады.

Көпір мен биологиялық орталықты алып жатқан екі шақырым аумақты қамтитын теміржол желісінің бойында барлығы 4 бекет орналасқан. Ал жылжымалы құрам жылдың төрт мезгілінде де тұрақты қатынайтын болады. Себебі барлық вагондарда арнайы әзірленген жылыту жүйелері бар.

Аталмыш нысан өңірдегі ішкі туризмді дамыту мақсатында ғана емес, арал мен қала арасындағы жолаушылар қатынасын шешу үшін өткен жылдың жазында қолға алынған болатын. Сарапшылардың пікірінше, жаңа желі өзін толық ақтайды. Ең бастысы, тұмса табиғаты бар аралдың экологиялық ахуалын жақсартуға септігін тигізеді. Болашақта аталған теміржолдың қолданыс аясын кеңейтіп, қосымша бекеттер салу да күн тақырыбында тұр.  

Қазіргі таңда мектеп оқушыларының теміржол мамандығы негіздерін оқи алатын арнайы балалар үйірмесін құру мүмкіндігі қарастырылуда. Бұл бағыттағы барлық іс-шараларды Абай облыстық білім басқармасы жергілікті Семей ЖТ бөлімшесі теміржолшыларымен бірлесіп жүргізбек.

– «Кіші Түрксіб» теміржолының іске қосылуы келешекте теміржол мамандығын игергісі келетін жастар үшін мейлінше қолайлы. Жалпы, ондай үйірме болашақ мамандар үшін тамаша платформа болар еді. Көзделген мақсат – жас буынның теміржолшы мамандығына деген қызығушылығын қалыптастыру. Біз де өз тарапымыздан қолдау көрсетуге дайынбыз,– дейді «Құрметті теміржолшы», Семей жол дистанциясының бастығы Рахат Ботаспаев.

 

Жаңалықтар
04.04.2025
ҚТЖ және Цзиньхуа Көлік-инвестициялық тобы логистикалық кешен салу туралы келісті
Жаңалықтар
04.04.2025
"KTZ Express" қытайлық серіктеспен екі меморандумға қол қойды
Жаңалықтар
04.04.2025
Теміржолшылар мен полиция бірігіп 238 рейд жүргізді
Аймақтар
04.04.2025
Бақытын Болашақтан тапқан
Станция тынысы
04.04.2025
Жұмыс қарқыны жоғары
Жолаушылар тасымалы
04.04.2025
«Ақтөбе-Қазалы» бағыты бойынша рейс ашылды
Сұхбат
04.04.2025
Александр Ширяев: Қажетті вагон паркі мен тиімді тасымал ұсынамыз
Аймақтар
04.04.2025
Бөлімше директоры шағын бекеттерді аралап, теміржолшылармен кездесті
Жаңалықтар / Мұрағат
04.04.2025
Қазақстан теміржолшысы газеті, №25 04 сәуір 2025 жыл
Аймақтар
03.04.2025
Жаңа тепловоздар қызмет көрсетуде
ҚТЖ келбеті
03.04.2025
Аягөздік ардагерге құрмет көрсетілді
Әлемде
03.04.2025
Қырғызстан Ыстықкөлді айналып өтетін теміржол жобасын әзірлеуде
Жолаушылар тасымалы
03.04.2025
ҚТЖ ревизорлары пойызда билетсіз жолаушыларды анықтады
Аймақтар
02.04.2025
Жұмысшы мамандар ұстаханасы
Әлемде
02.04.2025
Өзбекстанда жаңа жолаушылар вагондары таныстырылды
Қауіпсіздік
02.04.2025
Шымкентте жасөспірімдер пойыз вагонына жармаспақ болды
Жаңалықтар
02.04.2025
ҚТЖ-да Словения компанияларымен кездесу өтті
Жолаушылар тасымалы
01.04.2025
Jibek Joly туристік пойызы төртінші рет сапарға аттанады
Жолаушылар тасымалы
01.04.2025
«Астана-Алматы» бағытындағы «Тальго» пойызы енді Шу станциясына тоқтамайды
Жүк тасымалы
01.04.2025
Қаңтар-наурыз айларында темір жол көлігімен 3,6 млн тонна астық тасымалданды