Биылғы маңызды оқиғалар
2024 жылы Қазақстанның темір жол саласында маңызды оқиғалар мен жаңа технологиялардың енгізілуі байқалды. Бұл жетістіктер елдің көлік-логистикалық инфрақұрылымын дамытуға және транзиттік әлеуетін арттыруға бағытталған, деп хабарлайды Rail-news.kz.
Жаңа темір жол бағыттарының іске қосылуы
Туристік сегментті дамыту мақсатында «Алматы – Түркістан – Ташкент – Алматы» жаңа бағыты іске қосылды. Бұл жоба Қазақстан мен Өзбекстан арасындағы мәдени алмасуды нығайтып, туристерді тартуға ықпал етеді. Жолаушылардың жайлылығы үшін заманауи автобустар мен кәсіби гидтердің қызметі қарастырылған.
Ірі темір жол жобаларының құрылысы
Өткізу қабілетін арттыру және жүк тасымалы жағдайын жақсарту мақсатында жалпы ұзындығы 1,3 мың шақырымды құрайтын төрт ірі темір жол жобасының құрылысы жалғасуда:
«Достық – Мойынты» (жұмыстар 75% аяқталды);
«Алматы айналма желісі»;
«Дарбаза – Мақтаарал»;
«Бақты – Аягөз».
Бұл жобалар ішкі темір жол қатынасын дамытуға және елдің транзиттік әлеуетін арттыруға бағытталған.
Теңіз инфрақұрылымының нығаюы
Ақтау портында жылына 300 мың ЖФЭ (жиырма футтық эквивалент) өткізу қабілеті бар контейнерлік хаб салынуда. Құрық портында жаңа астық терминалы мен «Саржа» көпфункционалды терминалының құрылысы басталды. Бұл жобалар Қазақстан порттарының өткізу қабілетін жылына 30 млн тоннаға дейін арттыруды қамтамасыз етеді.
Астық терминалының ашылуы
Жылына 1 млн тонна қуаттылығы бар жаңа астық терминалының ашылуы Қазақстанда транзит пен логистиканы дамытудағы маңызды оқиға болды. Жоба аясында бір уақытта 28 мың тонна астық сақтауға мүмкіндік беретін 18 силос салынды. Бұл терминал астық экспортын, оның ішінде Қазақстан – Иран бағыты және Кавказ аймағы елдеріне жеткізу көлемін арттыруды қамтамасыз етеді.
Темір жол машинасын жасау саласындағы жетістіктер
Темір жол машинасын жасау секторында қолжетімді лизингтік қаржыландыру тетігі іске қосылды, соның арқасында 2024 жылы өндіріс 1,5 есеге ұлғайды.
Темір жол желісін жөндеу жұмыстары
Магистралды темір жол желісін жөндеу жұмыстары жалғасуда, 2024 жылы 1401 шақырымға жөндеу жүргізілді.
Бұл жетістіктер Қазақстанның көлік-логистикалық инфрақұрылымын дамытуға және халықаралық транзиттік тасымалдарды арттыруға бағытталған маңызды қадамдар болып табылады.