2025 жылы 3 жаңа қазақ-қытай терминалы іске қосылады
2025 жылғы 21 ақпанда Сиань ҚКП Парткомының хатшысы Фан Хунвэй мырза "ҚТЖ" ҰК" АҚ басшысы Нұрлан Сауранбаевты қабылдады, деп хабарлайды Rail-news.kz.
Тараптар 2024 жылы Сиань қаласының Құрғақ портынан Қытай-Еуропа бағыты бойынша 5000 астам пойыз жөнелтілгенін атап өтті, бұл осы бағыт бойынша барлық жөнелтілімдердің 25% құрайды және тарихи рекорд болып табылады.
Сиань қаласындағы бірлескен жүк терминалы жұмысының арқасында TХКБ маршрутындағы негізгі түйін ретінде өткен жылы тасымалдау көлемі 33 есе өсті. Сиань қаласының құрғақ портымен серіктестікте жалпы инвестиция көлемі 200 млн АҚШ долларынан асатын бірқатар халықаралық логистикалық жобаларды іске асыру жалғасуда.
Келіссөздер барысында іске асырылып жатқан уағдаластықтар сенімді логистикалық тізбектерді қалыптастыратын, жүк ағынының өсуін және Қазақстан мен Қытай көлік салаларының дамуы үшін жаңа мүмкіндіктер ашатын стратегиялық одаққа біріккен ынтымақтастыққа трансформациялағаны атап өтілді.
Тараптар ағымдағы жылға арналған жоспарларды бекітті, олардың ішінде: Алматы қаласында логистикалық кешенді (ГТС-2) іске қосу, Мәскеу облысындағы Селятино станциясында жаңа CRK Terminal логистикалық орталығын ашу және Әзірбайжандағы Алят портында терминалды іске қосу. Келесі жылы Свислочь станциясында (Беларусь) және Будапешт қаласында (Венгрия) логистикалық орталықтар мен терминалдар іске қосылады.
Кешенді тәсіл және жобаларды серпінді іске асыру 2026 жылы Шығыс-Батыс бағытындағы терминалдардың толыққанды желісін қалыптастыруға мүмкіндік береді, бұл елдің транзиттік-көліктік әлеуетін дамытуда маңызды қадам болады.