ҚТЖ Transport Logistic 2025 көрмесінде
Мюнхенде (Германия) Transport Logistic 2025 Халықаралық көрмесі өтті — бұл Еуропадағы логистика және жүк тасымалы саласындағы ең ірі іс-шаралардың бірі, деп хабарлайды Rail-news.kz.
ҚТЖ компаниялар тобы іс-шарада бірыңғай стенд ұйымдастырды, онда KTZ Express (ҚТЖ еншілес компаниясы) қызметкерлері компания және ұсынылатын сервистер туралы ақпаратты ұсынды, сондай-ақ Rhenus, Hellmann және DB Cargo сияқты серіктестермен кездесулер өткізді.
Халықаралық көлік дәліздерін дамыту, транзиттік тасымалдау көлемін ұлғайту және іскерлік ынтымақтастықты нығайту талқылаудың негізгі тақырыптары болды.
Көрме аясында TХКБ дамуына арналған панельдік сессиялар өтті, онда KTZ Express бас директорының логистика жөніндегі орынбасары Айбек Қапар маршрутты дамытуда еуропалық серіктестермен ынтымақтастықтың ерекше маңыздылығын атап өтіп, компанияның негізгі жобаларын ұсынды.
Мюнхендегі көрме еуропалық серіктестердің ҚТЖ-ның логистика саласындағы өзара іс-қимылына жоғары қызығушылығын растады, сондай-ақ жаңа бастамаларды таныстыру үшін тамаша алаң болды.