Астанада көлік, логистика көшбасшыларының басын біріктірген халықаралық көрме өтіп жатыр

25 маусым күні Астанадағы «Expo» халықаралық көрме орталығында Komtrans+BUSexpo Astana және Eurasian Construction Technologies Astana 2025 халықаралық көрменің ресми ашылу өтті, деп хабарлайды Rail-news.kz.

Komtrans+BUSexpo Astana және Eurasian Construction Technologies Astana (ECT Astana) 2025 — көлік, логистика және құрылыс индустриясының көшбасшыларын біріктіретін ауқымды салалық шара.

Көрменің ашылу рәсімінде «KAZLOGISTICS» Көлік логистикасының одағы» ЗТБ бас директоры Қанат Әлмағамбетов қатысып, қатысушыларға сәттілік тіледі.

Көрмеден бөлек, қонақтарды саланың жетекші сарапшылары қатысатын мазмұнды іскерлік бағдарлама күтіп тұр.

Іскерлік бағдарламаның негізгі тақырыптары:

- Өңірлік логистикалық дәліздер және олардың экономикаға әсері;

- Автокөлік тасымалындағы кедергілер және цифрлық шешімдер;

- Жұмысшы мамандықтар жылы: кадрлар — стратегиялық ресурс;

- Қазақстандағы автопаркті жаңарту: лизинг, мемлекеттік қолдау және халықаралық тәжірибе.

Талқылауға ҚР Көлік министрлігі, «KAZLOGISTICS» КЛО, KazGrain, KAZAKH INVEST, Еуропа қайта құру және даму банкі (ЕҚДБ), QazTrade өкілдері, сондай-ақ логистика, цифрландыру және кадр дайындау салаларындағы жетекші сарапшылар қатысуда.

Назар аударылатын басты бағыттар:

- Қазақстанның жаһандық жүк ағындарындағы рөлі;

- Геосаяси жағдайдың транзитке әсері;

- Орталық Азияның халықаралық көлік тізбектеріне интеграциясы;

- Отандық тасымалдаушыларды қолдау және жұмысшы мамандықтарын насихаттау.

Көрме аясында экспоненттердің маркетологтары арасында өтетін Marketing Icon Award байқауының жеңімпаздарын марапаттау рәсімі өтеді.

Komtrans+BUSexpo Astana және ECT Astana 2025 — бұл жай ғана көрмелер емес, Қазақстан мен өңір экономикасының негізгі салаларын түрлендіруге арналған диалог, серіктестік пен даму алаңы.