«Мектепке жол»: ҚТЖ-да теміржолшылар отбасыларын құттықтады
Жаңа оқу жылы қарсаңында ҚТЖ-ның барлық өңірлік бөлімшелерінде «Мектепке жол»дәстүрлі республикалық акциясы өтті, деп хабарлайды Rail-news.kz.
Ол қазірдің өзінде жақсы дәстүрге айналды және көп балалы отбасыларды, бірнеше оқушы, оның ішінде бірінші сынып оқушылары бар, сондай-ақ мүгедек балалар тәрбиеленетін отбасыларды қолдауға бағытталған.
Кәсіподақ ұйымдары балаларды білім күнімен құттықтап, ата-аналары жұмыс істейтін кәсіпорындарда мерекелік іс-шаралар ұйымдастырды. Балалар үшін теміржол көлігі мұражайына экскурсия ұйымдастырылып, конкурстар, викториналар өткізілді, бұл мерекені одан да жарқын әрі есте қаларлық етті.
Барлық оқушыларға қажетті оқу құралдарымен жабдықталған рюкзактар табысталды. Сонымен қатар, ұжымдық шарт бойынша көпбалалы және мүгедек балаларды тәрбиелеп отырған отбасыларға материалдық көмек көрсетілді.