ҚТЖ басшысы Бейжіңде CRCT басшылығымен келіссөздер жүргізді
«ҚТЖ» ҰК» АҚ делегациясының Қытайға жұмыс сапары аясында компанияның Басқарма Төрағасы Талғат Алдыбергенов CRCT (China Railway Container Transport) басшылығымен келіссөздер жүргізді, деп хабарлайды Rail-news.kz.
Кездесу көлік-логистикалық өзара іс-қимылды нығайтуға және екі елдің теміржол әкімшіліктері арасындағы стратегиялық әріптестікті кеңейтуге бағытталған.
Тараптар Қытай - Еуропа - Қытай бағыты бойынша контейнерлік тасымалдарды, Транскаспий халықаралық көлік бағдарын (ТХКБ) дамытуды және жүктерді жеткізу мерзімдерін қысқарту жөніндегі шараларды іске асыруды талқылады.
Сондай-ақ, тасымалдау процесін цифрландыру және ақпараттық платформаларды интеграциялау мәселелері қаралды. Бұл логистикалық тізбектердің тиімділігін едәуір арттыратын кедендік және көліктік құжаттардың «жіксіз» ресімделуін қамтамасыз етуге мүмкіндік береді.
