«Кедентранссервис» сыбайлас жемқорлыққа қарсы
«Қазақстан теміржолшысы» газетінің тілшісі
Жақында «Кедентранссервис» АҚ-да теміржол көлігі саласындағы сыбайлас жемқорлықтың және өзге де құқық бұзушылықтардың алдын алу мәселелері бойынша оқыту семинары өтті.
Іс-шараға ҚР Мемлекеттік қызмет істері агенттігінің Астана қаласы бойынша департаментінің өкілдері және «Қазақстан темір жолы» ҰК» АҚ Комплаенс қызметінің басшысы қатысты.
Семинар барысында мемлекеттік сыбайлас жемқорлыққа қарсы саясатты іске асырудың өзекті мәселелері, сыбайлас жемқорлыққа қарсы іс-қимыл саласындағы заңнамасының негізгі талаптары, сондай-ақ осы саладағы соңғы өзгерістер мен жаңалықтар қарастырылды.
Спикерлер сыбайлас жемқорлыққа қарсы заңнаманың негізгі ережелеріне жан-жақты тоқталып, ұйымдар қызметінің ашықтығы мен адалдығын арттыруға бағытталған мемлекеттік реформалар туралы баяндады.
Сонымен қатар сыбайлас жемқорлыққа қарсы заңнаманы бұзу фактілерінің тәжірибелік мысалдары мен олардың құқықтық салдары түсіндірілді. Әсіресе, сыбайлас жемқорлыққа қарсы мәдениетті қалыптастыру, қызметтік әдеп нормаларын сақтау, мүдделер қақтығысының алдын алу және қызметкерлердің заңнама талаптарын сақтау жөніндегі жеке жауапкершілігі мәселелеріне ерекше назар аударылды.