Астана әкімі мен ҚТЖ Басқарма Төрағасы Астана-1 теміржол вокзалын қайта жаңарту барысымен танысты
"Қазақстан темір жолы "ҰК" АҚ Басқарма төрағасы Талғат Алдыбергенов Астана әкімі Жеңіс Қасымбекпен бірге Астана-1 теміржол вокзалына барып, нысанды қайта жаңарту барысымен танысты, деп хабарлайды Rail-news.kz.
Вокзалды қайта жаңарту Мемлекет басшысы мен Қазақстан Республикасы Үкіметінің көлік инфрақұрылымын жаңғырту жөніндегі тапсырмалары шеңберінде жүргізілуде. Объектінің жалпы ауданы 8 409 ш.м. Жобалау-сметалық құжаттама "Мемсараптама"РМК-да мемлекеттік сараптамадан өтеді.
Нысанда шатыр жабу жұмыстары аяқталып келеді. Ғимараттың сыртқы және ішкі әрлеуі, жылыту, желдету, сумен жабдықтау, кәріз, электрмен жабдықтау және әлсіз ток желілерін монтаждау жұмыстары жалғасуда. Сыртқы инженерлік желілердің құрылысы жүргізілуде, жағалау платформасында жұмыстар аяқталуда, конкорск өткелінің құрылысы жалғасуда.
Қайта құру жұмысына 261 қызметкер мен 11 техника жұмылдырылды. Технологиялық жабдықтар мен жиһаздарды жеткізуге келісімшарттар жасалды.
Тексеру қорытындысы бойынша қайта құру жұмыстарын белгіленген мерзімде аяқтау үшін құрылыс-монтаждау жұмыстарының қарқынын арттыру қажеттігі атап өтілді.
Мердігер ұйымға жұмысшылар санын және тартылған техниканың санын көбейту, сондай-ақ лифтілерді, эскалаторларды, қасбеттік жүйелер мен витражды конструкцияларды жеткізу мен монтаждауды жеделдету тапсырылды.
