ҚТЖ-да жас мамандарға арналған тәлімгерлік жүйе қайта жандануда
«Қазақстан теміржолшысы» газетінің тілшісі
ҚТЖ-да жас теміржолшыларға кәсіби білім мен практикалық тәжірибе беруге бағытталған тәлімгерлік жүйе қайта жандануда.
Бүгінгі таңда компанияда 1000-нан астам жоғары білікті маман тәлімгерлік функцияны орындауда. Бұл – еңбек жолын жаңадан бастаған жастардың өндіріске тезірек бейімделуіне, технологиялық процестердің ерекшеліктерін тереңірек түсінуге және кәсіби дағдыларды сенімді игеруге көмектеседі.
Тәлімгерлер жас қызметкерлерді кәсіби қалыптасу кезеңінде көмектесіп, әдістемелік және практикалық қолдау көрсетеді, қажетті құзыреттерді дамытуға және өндірістік қызметке тиімді интеграциялауға ықпал етеді.
Жастар кадрлық резервіне қатысушыларға ерекше көңіл бөлінеді. Бағдарламаның 161 қатысушысына олардың кәсіби, басқарушылық және тұлғалық дамуына жәрдемдесетін 137 тәжірибелі тәлімгер бекітілді.
Тәлімгерлік қызметтің сапасын арттыру үшін тәлімгерлер көшбасшылық, педагогикалық және коммуникациялық құзыреттіліктерді, сондай-ақ практикалық тәжірибені берудің заманауи әдістерін дамытуға бағытталған мамандандырылған үш модульді оқытудан өтеді.