Республикалық байқау өтті
«Қазақстан теміржолшысы» газетінің тілшісі
Астанада республикалық «Адал адам – Адал еңбек – Адал табыс» форумы аясында «Үздік теміржолшы» республикалық байқауы өтіп, жеңімпаздар марапатталды.
Тәуелсіздіктің 35 жылдығы аясында еліміздің негізгі инфрақұрылымдық тірегі болып табылатын көлік-логистика жүйесін дамытуға елеулі үлес қосып жүрген теміржол саласы қызметкерлерін қолдауға бағытталған республикалық байқауды «Bilim-orkenieti» республикалық инновациялық ғылыми-зерттеу орталығы ұйымдастырды.
Биыл бесінші жыл қатарынан ұйымдастырылып отырған форум аясында «Үздік теміржолшы» байқауы Магистральдық желі дирекциясы қызметкерлерінің кәсіби жетістіктерін дәріптеп, теміржолшы еңбегіне деген құрметті нығайтатын игі дәстүрге айналды. Оның басты мақсаты – еңбек адамының беделін арттыру және кәсіби жетістіктерімен ерекшеленген теміржолшылардың еңбегін лайықты бағалау.
Форумға «ҚТЖ» ҰК» АҚ – «Магистральдық желі дирекциясы» филиалының өңірлік бөлімшелерінен 30-ға жуық теміржолшы қатысты. Магистральдық желі дирекциясының үздік қызметкерлері көп жылғы адал еңбегі, жоғары кәсібилігі, өндірістегі жоғары көрсеткіштері, сондай-ақ магистральдық теміржол инфрақұрылымының сенімді жұмысын қамтамасыз ету мен пойыздар қозғалысының қауіпсіздігін сақтауға қосқан елеулі үлесі үшін марапатталып, «Үздік теміржолшы-2026» атанды.