Алғыс айтты
Қызылорда облысы бойынша меншікті тілші
Еліміздің теміржол саласында еңбек етіп жүрген әрбір маман үшін тұрақты жұмыс пен отбасының әл-ауқаты аса маңызды.
Соңғы уақытта локомотив паркінің жаңаруына және жөндеу жұмыстары көлемінің азаюына байланысты бірқатар қызметкерлердің қысқартылу қаупі туындады. Осындай күрделі кезеңде адамдарға қолдау көрсету үлкен жауапкершілік пен азаматтық ұстанымды талап етеді.
«Осы орайда «ҚТЖ-Жүк тасымалы» ЖШС Бас директоры Асан Үмбетовке ерекше алғысымызды білдіреміз. Оның қолдауының арқасында Сексеуіл локомотив жөндеу депосының қысқартуға ілінген қызметкерлерін жұмыспен қамту мәселесіне ерекше назар аударылып, азаматтардың еңбек етуіне мүмкіндік жасау бағытында нақты қолдау көрсетілді. Бұл шешім көптеген отбасының тұрақты табысын сақтап қалуға, тәжірибелі теміржолшылардың өз мамандығы бойынша еңбек жолын жалғастыруына мүмкіндік берді. Көп жылғы тәжірибесі бар мамандардың әлеуетін сақтау – теміржол саласының дамуына қосылған маңызды үлес. Адам тағдырына бейжай қарамай, әлеуметтік жауапкершілік танытқаны үшін Асан Ізтілеуұлына шынайы ризашылығымызды білдіреміз», – деп ұжым атынан алғыс білдірді «Қамқор Локомотив» ЖШС Сексеуіл локомотив жөндеу депосы» филиалының директоры Нұрлан Бөлеков.