Жол картасына қол қойылды

Кеше, 11 қараша күні «ҚТЖ» ҰК» АҚ, «Трансмашхолдинг» АҚ және «ЛокоТех-Сигнал» ЖШҚ «Қазақстан темір жолы» ұлттық компаниясы мен «Трансмашхолдинг» АҚ Компаниялар тобының Инновациялық-технологиялық дамуына бағытталған бірлескен жобалардың Жол картасына қол қойды.

Аталған құжатқа Ұлттық компания атынан «ҚТЖ» ҰК» АҚ басқарушы директоры – Бас инженері Б. Котырев, «Трансмашхолдинг» АҚ-ның Техникалық директоры М.Рожков және «ЛокоТех-Сигнал» ЖШҚ бас директоры А.Романчиков қол қойды.

«Бүгін біз қол қойған Жол картасына темір жол көлігін цифрландыру бойынша даму кезеңіне енген инновациялық жобалар кіріп отыр. Сонымен қатар борттық қауіпсіздік жүйелерін, микропроцессорлық қауіпсіздік жүйелерін, пойыздардың қозғалыс қауіпсіздігін басқару жүйелерін, теміржол автоматикасы жүйелерін дамытуға арналған жобалар енген. Бұл жұмыстар таяу жылдары жүзеге асады. Бір жобалар тәжірибелік пайдаланудан өтіп жатса, екіншілері даму кезеңін бастан кешіп жатыр. Яғни, олардың «өмір сүруге» қабілеттілігі тексеруден өтті. Мысалы, өткелдердегі қауіпсіздік жобасына келсек, бұл қандай да бір жаңа өткел емес, бұрыннан келе жатқан өткелдің қауіпсіздігін жақсарту болмақ, бұл жобаға «ЛокоТех-Сигнал» ЖШҚ қатысып отыр. Олар Щербинкада өткен көрмеде осы мәселеге қатысты жаңа инновациялық шешімдерін көрсетіп, біздің қызығушылығымызды тудырған болатын. Өткел мәселесі күн тәртібіндегі өзекті мәселе қатарынан. Сондықтан біз қауіпсіздікті сақтау бағытындағы жобаларды дамытуда соңғы инновациялық жобаларды жасап жатқан сенімді серіктестерімізбен жұмыс жасаудамыз», – деп атап өтті Батыр Қотырев.

Сонымен Жол картасы қандай жобаларды қарастырады деген мәселеге терең үңілсек, ол инновациялық-технологиялық дамуға, пойыздардың қозғалыс қауіпсіздігін және тасымалдау үдерісі технологиясының тиімділігін арттыруға бағытталған жобаларды жүзеге асыруға негізделген. Сонымен қатар жылжымалы құрамға инновациялықтехнологиялық жүйелерді енгізуге, оларды әзірлеуге және сынақтан өткізуге бағытталған шаралар кешенін қосып отыр.

Техникалық саясат және реттеу департаменті мамандарының сөзіне сүйенсек, Жол картасы аясындағы шаралар легінде бірыңғай «электрондық картаны» енгізу арқылы борттық локомотив жүйелерін интеграциялау бойынша жұмыстар жүргізу жоспарланған. Бұл өз кезегінде, пойыздарды автожүргізу және қауіпсіздік жүйелерінің бірыңғай архитектурасын құруға мүмкіндік бермек. Бұдан бөлек, Жол картасымен «МПЦ-С» микропроцессорлық орталықтандыруды енгізу және өтпелік белгі беру жүйелерін автоматтандыру жұмыстары қарастырылған. Бұл шаралар да жоғарыда айтып өткеніміздей, пойыздар қозғалысы қауіпсіздігінің жоғары деңгейін қамтамасыз етуге ықпал етпек.