Кеңес отырысы өтті
Жақында Көліктегі тауарлар мен көрсетілетін қызметтер сапасы мен қауіпсіздігін бақылау департаментінде ведомоствоаралық үйлестіру кеңесінің кезекті отырысы болып өтті.
Оған жолаушы тасымалына қызмет көрсететін «Жолаушылар тасымалы» АҚ, жекеменшік тасымаладушылардан «Марал-Нұр», «ARLAN-TRANS-ASTANA», «Сары-Арқа Компани», «Номадас» ЖШС өкілдері қатысты.
Кеңес отырысында ҚР Денсаулық сақтау министрлігінің 2017 жылғы 31 мамырдағы №359 бұйрығы бойынша «Жолаушылар мен жүктерді тасымалдауға арналған көлік құралдарына қойылатын санитарлық-эпидемиологиялық талаптар – бұзушылықтарды жою бойынша техникалық шараларды аяқтау және жолаушылар вагондарына санитарлық-эпидемиологиялық қорытынды алу; тараптар арасындағы өзара ынтымақтастық туралы меморандумдарды келістіру және іске асыру; маусымдық тұмауға қарсы вакцинацияны қамтамасыз ету және скринингтен өту жайын қамту» тақырыптары сөз болып, «Жолаушылар тасымалы» АҚ және жеке тасымалдаушылар атынан пайдалану және қозғалыс қауіпсіздігі бойынша жылжымалы құрам менеджері А.Исламов, оған қосымша департаменттің қоғамдық денсаулық қорғау бөлімінің басшысы С.Хайруллин баяндама жасады.
Ал эпидемиологиялық маусымда тұмаудың алдын алу шаралары туралы қоғамдық денсаулық қорғау бөлімінің бас маманы Р.Жүсіп баяндап, жағдайды слайд-шоумен көрсетті. Отырыс соңында тасымалдаушылар жүргізілген жұмыстары жайлы есеп берді. Жолаушылар вагондарының 1045-і санитарлықэпидемиологиялық қорытынды алған, ал 5501 жұмысшы-қызметкер вакцинация қабылдау керек болса, бүгінгі күні олардың 2412-і ғана алып үлгерген екен.
Сондай-ақ, көлік қызметкерлерінің 94,4 пайызы скринингтен өткен. Үйлестіру кеңесі отырысының талқысынан кейін, тиісінше қорытынды шешім қабылданды.