Табысқа жолдама
«ҚТЖ-Жүк тасымалы» АҚ Басқарма төрағасының корпоративтік мәселелер жөніндегі орынбасары Әділжан Ізмұхамбетов компания қызметкерлеріне арналған мотивациялық speak-up сессиясын өткізді.
Жас инженерлер, пойыздардың машинистері, вагон қараушылар, станция кезекшілері, шеберлер, қабылдаушылар, операторлар басшының өз аузынан оның кәсіби және мансаптық өсу тарихын білді. Әділжан Ізмұхамбетов өзінің өмірбаянын егжей-тегжейлі баяндай отырып, жастарды өз мүмкіндіктер мен күш-жігерлеріне сенуге, өзін-өзі ұстай білуге және жеке бас тәртібіне көңіл бөлуге шақырды.
Жүзбе-жүз әңгімелесу барысында жиналған жастар теміржолдағы қозғалыс қауіпсіздігіне қатысты өзекті мәселелерді қозғап, сондай-ақ, әріптестерімен тілдесу барысында корпоративтік этика кодексін сақтау туралы ой-пікірлерін ортаға салды.
– Белсенді көзқарас ұстанымындағы жастарды компанияның даму перспективалары, еңбек жағдайы, әлеуметтік мәселелер толғандырады. Бізге олардың өздерін инвестициялағаны, өз әлеуеттерін жүзеге асырғаны аса маңызды, – деп атап өтті Әділжан Ізмұхамбетов.
«Кез келген лекция немесе мотивациялық әңгіме – бұл жекебастың дамуы үшін стимул болмақ. Біз басшылықтың бізге тікелей шығып әңгімелескеніне қуаныштымыз. Біз өзімізді қызықтырған сұрақтарды қойып, оларға сол жерде дереу жауап алу мүмкіндігіне ие болдық», – дейді аға вагон қараушы Дәурен Хасенов.
Кездесу соңында теміржолшылар басшылықпен осындай мотивациялық кездесулер тұрақты өткізіліп тұрса деген тілектерін білдірді.