Құрметті теміржолшылар, әріптестер, теміржол ардагерлері!
Сіздерді ата-бабамыз ғасырлар бойы арман еткен, бостандық пен еркіндіктің бастауы болып табылатын мерекеміз – Тәуелсіздік күнімен құттықтаймын!
Мемлекетіміздің егемендігін, береке-бірлігін паш ететін бұл ұлық мереке әрбір қазақстандық үшін қымбат та қастерлі. Бұл күн барлық қазақстандықтардың ауызбіршілігі мен достығының айшықты көрінісі болып табылады. Қоғамдағы бейбітшілік пен келісім тәуелсіздік жылдарындағы басты жетістіктердің бірі болып, біздің көпұлтты еліміздің бағыт-бағдарына айналды.
Бүкіл әлем біздің елдің халықаралық және аймақаралық қауіпсіздікті сақтау мен нығайтуға, мәдени және ұлттық диалогты дамытуға қосып отырған үлесін жоғары бағалайды. Тәуелсіздік күні мерекесінің қадір-қасиетін терең түсіне отырып, оның теңдессіз құндылығын ұрпақтар бойына сіңіруге міндеттіміз.
Құрметті достар! Ұлық мерекеде сіздерге зор денсаулық, мақсат жолдарыңызда сәттілік, отбасыларыңызға қуаныш тілеймін!
Оразғали АХМЕТБАЕВ, «Қазақстандық салалық теміржол, автомобиль, әуе және су көлігі қызметкерлерінің кәсіби одағы» ҚБ төрағасы