Тазалық мәдениетін қалыптастыру қажет
Елордада қала сыртына рұқсатсыз қоқыс төгу фактілерін анықтау мақсатында рейд жүргізгенде «Нұрлы жол» вокзалының айналасы қоқыстармен ластанғаны анықталды.
Соның нәтижесінде құрылыс қалдықтарын елорда іргесіне апарып төккен кәсіпорындар мен қала тұрғындары 55 560 теңге айыппұл түріндегі әкімшілік жауапкершілікке тартылады.
Биыл жыл басынан бері құрылыс компаниялары, ПИК, ЖШС және жеке тұрғындарға, жалпы 2 мыңнан астам адамға 36 млн теңге айыппұл салынды.
Сала мамандарының айтуынша, «Нұрлы жол» вокзалының артында үлкен шұңқыр бар. Кейбір құрылыс компаниялары және өз пәтерінде жөндеу жүргізетін азаматтар мұнда түнде келіп қоқысты төгіп кетеді.
Заңға сәйкес олар құрылыс қалдықтарын мамандандырылған экологиялық полигонға апаруы керек. Ол Павлодар тасжолы бойымен Алаш тасжолында орналасқан.
Олар құрылыс қалдықтарын өңдейтін жерге апаруы тиіс. Құрылыс қалдықтарын заңсыз төгудің жолын кесуге және ол үшін арнайы орын белгілеуді тапсырған болатын. Азаматтардан тазалық мәдениетін қалыптастыру қажеттігі қатаң талап етілуде.