Коммерциялық жолаушылар пойыздарының жол жүруі уақытша тоқтатылады

«ҚТЖ» ҰК» АҚ баспасөз қызметі Тальго вагондарынан жасақталған келесі коммерциялық жолаушылар пойыздарының жол жүруі уақытша тоқтатылатыны туралы хабарлап отыр.

Атап айтқанда, олар 2020 жылдың 1 шілдесінен бастап Нұрлы жол вокзалынан шығатын және 2-шілдеде Атыраудан жөнелтілетін № 19/20 «Нұр-Сұлтан-НЖ – Атырау» бағытындағы пойыз; 2020 жылғы 2-шілдеден Нұр-Сұлтан – Нұрлы жолдан, ал 3-шілдеде Оралдан аттанатын № 95/96 «Нұр-Сұлтан-НЖ – Орал» пойызы; үшіншісі 1-шілдеден бастап Алматы-2 станциясынан, ал 2-шілде күні Нұрлы жол вокзалынан жөнелтілетін № 701/702 «Алматы-2 – Нұр-Сұлтан-Нұрлы жол» жолаушы пойыздары болып отыр.

Аталған пойыздарға бұрын жол жүру құжаттарын (билеттерін) ресімдеген жолаушылар темір жол билеттерін қайтарып және ақшалай қаражатты ұстап қалусыз толық көлемде қайтарып ала алады, сондай-ақ басқа баламалы пойыздарға билеттер сатып алуларына болады.

Жолаушылар пойыздарының қозғалыс кестесі туралы, орын бар екендігі және жол жүру құны туралы барлық ақпаратты 105 анықтама қызметіне қоңырау шалып білуге болады (қалалық телефоннан қоңырау шалу тегін, ал ұялы телефоннан минутына 112 теңгені құрайды).

Ұлттық тасымалдаушы келтірілген қолайсыздықтар үшін жолаушылардан кешірім сұрайды.