«Корпоративтік блогерлер мектебі» жобасын іске қосуда
«Қазақстан теміржолшысы» газетінің тілшісі
«ҚТЖ» ҰК» АҚ «Корпоративтік блогерлер мектебі» жобасын іске қосуда. Жоба аясында оған қатысушылар әлеуметтік желілерді жүргізу тетіктерін меңгеріп, softskills бойынша белсенді бола алады.
Ең бастысы, бұл жобаның берері – оған қатысушылар ҚТЖ бет-бейнесіне айналып, компания өміріндегі қызықты да маңызды оқиғаларды жариялап отырады. Жобаға ҚТЖ компания топтарының қызметкерлері жасына, кәсібіне, тұратын жеріне қарамастан қатыса алады. Оған қатысу үшін өтінім, «Мен неге корпоративтік блогер болғым келеді?» деген тақырыпта эссе, өзі туралы түсірілген 1,5 минуттан аспайтын бейнежазба өткізу керек. Өтінімдер осы жылдың 5 қарашасына дейін қабылданады.
ҚТЖ бренд-амбассадорлары жаңа командасының бір бөлігіне айналғысы келетін барша теміржолшыларға ақ жол! Аталған мәліметтер жинағын ktzh_korp_Blogger@mail.ru поштасына жолдау керек.