Билеттерді онлайн түрінде қайтару функциясы іске қосылды
«Қазақстан теміржолшысы» газетінің тілшісі
«Жолаушылар тасымалы» АҚ жолаушыларға қызмет көрсету сапасын жақсарту мақсатында сервистік қызметтер ауқымын кеңейтіп келеді. Бүгінде пойыздарға билетті бұрынғыдай ұзақ-сонар кезекке тұрмай телефонның көмегімен-ақ рәсімдеуге болады, деп хабарлайды Rail-news.kz
Міне, енді сәуір айынан бастап қолма-қол және ақшасыз есеп айырысу сияқты төлем әдісіне, сондай-ақ, қай жерде сатылғанына қарамастан, барлық электрондық жол жүру құжаттары бойынша орындарды, яғни кері өткізілетін пойыз билеттерін онлайн қайтару функциясы іске қосылады деп хабарлап отыр Ұлттық тасымалдаушы компанияның ақпараттар қызметі.
Жолаушы орынды пойыз жасақталған станциядан жөнелтуге дейін 1 сағаттан кем және электрондық билетте көрсетілген станциядан жөнелтілгеннен кейін 1 сағат уақыт өтпеген жағдайда онлайн қайтара алады.
Орынды қайтаруды рәсімдеу үшін BILET.RAILWAYS.KZ сайтының басты бетіндегі «Талап бойынша орынды қайтару» қосымша бетін таңдап, сайтта барлық қажетті бағандарды толтыру қажет және орынды қайтару туралы түбіртекті жүктеп алғаныңыз абзал.
Осы ретте, жолаушылар ақшалай қаражаттың билет иесіне электрондық жол жүру құжатын (билетін) сатып алу тәсілі мен орнына байланысты белгіленген тәртіппен қайтарылатынын ескеруі тиіс.
Орындарды қайтару туралы толық ақпаратпен осы сайттан танысуға болады.