Шымкент темір жолында он айда 46 жол-көлік оқиғасы болған
Шымкент қаласы бойынша меншікті тілшісі
Соңғы уақытта теміржол қозғалысына басты кедергі жолға шығып кететін мал мен жан болып отыр. Бұл теміржолшылардың үлкен алаңдаушылығын туғызуда. Мәселен, Шымкент темір жолында биылғы жылдың он айында барлығы 46 оқиға, оның ішінде 13 адам және 33 мал басу оқиғасы тіркелген. Әрине, мұның бәрі – адам факторынан туындайтын кедергілер. Теміржолға жақын тұратын тұрғындардың жеке басының қа- уіпсіздігін сақтамауы, төрт түлік малына ие болмауы кесірінен туындап отырғаны белгілі. Тұрғындар теміржол маңына мал жаю ережелерін ескеріп, ұстана бермейді. Теміржолға жақын мал жаюдың арнайы ережесімен таныстырып, халықпен профилактикалық жұмыстардың үнемі жүргізіліп жатқанына қарамастан, төрт түліктің пойыздың астына түсу оқиғасы азаймай тұр. Ал жергілікті билік, аудандық әкімдіктердің жергілікті халықпен жұмыс істеуі мүлдем қанағаттанғысыз. Мәселен, тек осы жылдың 22 қазанынан 7 қарашаға дейінгі кезеңде, небәрі 15 күнде Шымкент жүк тасымалы бөлімшесі бойынша пойыздардың малға соғылған 9 жағдайы тіркелді және олардың бәрі Арыс-Шымкент-Түлкібас телімінде орын алған. Төтенше жағдайдан локомотивтер зақымданып, қыруар материалдық зиян келді. Мамандар соңғы уақытта Арыс-Қалаш, Бадам-Қалаш, Игілік-Қорғасын, Манкент-Қы- зылсай, Көктерек-Түлкібас, Дарбаза-Сарыағаш, Жылға-Дарбаза, Монтайтас-Шағыр аралықта- рында мал басу оқиғалары жиілегенін айтады. «Қазақстан темір жолы» ҰК» АҚ қадағалаусыз малдың пойыздар қозғалысының қауіпсіздігіне қатер төндіретінін үнемі еске салумен келеді. Компания басшылығы азаматтардан темір жол көлігі объектілерінде жүру ережелерін мүлтіксіз сақтауды, сондай-ақ теміржол аумағы арқылы өтетін елді мекендердің барлық тұрғында- рына және фермерлік шаруашылықтардың басшыларына, жеке кәсіпкерлерге мал жаю ережелерін қатаң сақтауды сұрайды.