Ақжайық станциясының үй айдағы жұмысы жоспарға сай

Ақжайық станциясы жүк тасымалының бүгінгі көлемін толық игеріп, бар мүмкіндігімен жұмыс істеуде. Станцияның 7 қабылдап-жөнелту, 3 тұрақтау жолы бар. Маневр жұмыстары екі маневрлік тепловозбен атқарылуда.

Станция бастығы Есенжан Темірғалиевтің айтуынша, өткен 3 айда станция жоспар межесінен көріне алды. Мәселен, үш айда вагон айналымы 117,0 %-ға орындалды. Орташа тәуліктік жүк тиеу көлемі жоспардағы 3 вагонға орындалған. Тоннамен есептегенде станция арқылы 114 тонна орнына 152 тонна жүк тиеліп, жоспар 133,3 пайызды құраған.

Станциядан күніне 2-3 пойыз, 100-150 вагон қабылдап-жөнелтіледі, жолдары қысқа, дөңесі жоқ станция үшін бұл аз емес, әсіресе жүк тиеу мен түсіру көлемі артып кеткен кезде қиын. Жалпы, Атырауға келетін жүктің 60 пайызы аталған станцияға тиесілі. Басқа станциялар сияқты мұнда тек мұнаймен емес, цистерналарға бензин, мазут, реактивті отын құйылады. Егін егу мен орақ кезінде еліміздегі ауыл шаруашылығы мекемелеріне тапсырыс бойынша дизель отыны жіберіледі. Ал қазір көктемгі егістің қызып тұрған шағы.

Өңірдегі мұнай компанияларының тоқтаусыз жұмыс жасауы да тасымал көлеміне оң әсер етіп тұр. Ал, жүк түсіру тәулігіне 39 вагон болса, ол 73,2 пайызға орындалып, межеге жетпеген. Дегенмен, статистикалық салмақ 114,7 пайызға орындалды. Ақжайық станциясы тек мұнаймен ғана жұмыс жасамайды, цистерналарға бензин, мазут, реактивті отын құйылады, еліміздегі ауыл шаруашылығы мекемелеріне тапсырыс бойынша дизель отыны жіберіледі.

Атырау аймағында «Ақтөбе-Атырау-Астрахань», «Миялы-Қарабау-Индер» тас жолдарында құрылыс жұмыстарының қарқынды жүруі де жүк көлемі мен салмағының артуына ықпал етіп отыр. Өңірде карантиндік шектеулер жойылып, станция ұжымы толық жұмыс кестесіне көшкен. Соған сәйкес, алғашқы тоқсандағы жұмыс нәтижелі деуге болады.