Жіңішке станциясында «Темір жол – қауіпті аймақ» айлығы аясында рейд жүріп жатыр
Ақтөбе облысы бойынша меншікті тілші
«ҚТЖ-Жүк тасымалы» ЖШС «Батыс» аймағына қарасты Жіңішке станциясында қауіпсіздік айлығы аясында сақтық шаралары күшейтілген. Станция басшылығы желілік полиция қызметкерлерімен бірлесіп тұрғындар теміржолды кесіп өтетін жер- лерде рейд өткізуде.
«Желілік полициямен бірлесіп теміржолдағы қауіпсіздік, бөгде адамдардың кіруіне тыйым салу шараларын жүргізудеміз. Станция аумағында орналасқан № 36 орта мектеп, Махамбет тұрғын алабы және азық-түлік дүкеніне келушілер арасында әкімшілік жауапкершілік туралы түсіндірме жұмыстары жүргізіліп, қауіпсіздікті сақтауға арналған хабарландырулар ілінді. Тұрғындардан темір жолдан өтерде сақ болуды қайта-қайта сұраймыз», – дейді Жіңішке станциясының бастығы Талғат Сағынов. Жалпы, биылғы жылдың бес айында тиісті құрылымдардың күш салуымен темір жолға жақын орналасқан тұрғын үйлер тұрғындары арасында теміржол көлігіндегі тәртіп ережелерін түсіндіру бой- ынша 4 рет кездесу ұйымдастырылған. Қажет болған жағдайда адамдар жиі өтетін жерлерге ескертулер мен белгілер орнатылып, ескілері жаңартылады. Жыл басталғалы станцияда теміржол арқылы өтетін жерлерде 5 ескерту белгісі жаңартылып, өткелге 3 металл қалқан орнатылған, аялдамаларға, дүкендерге және сауда орындарына ескертулер ілінген. Ал мектеп оқушыларымен кездесуде теміржол- шылар оқыс оқиғалар туралы ақпараттандырып, ескерту парақшаларын таратты.