Қызылордада жол қауіпсіздігін 6 ревизор қадағалайды
Қызылорда облысы бойынша меншікті тілші
Сыр бойының теміржолшылары жылжымалы құрамдардың еш кідіріссіз бөлімше телімдерінен өтуіне қызмет жасауда. Әсіресе, қозғалыс қауіпсіздігін сақтауға мүдделі аймақ ревизорлары уақытпен санаспай, тәулік бойы жұмыс істеп жүр.
«ҚТЖ» ҰК» АҚ «Жолды диагностикалау орталығы» Қызылорда филиалының жол шаруашылығы ревизоры Әмірхан Жүсіпбеков биылғы бес айда бөлімше бойынша қозғалыс қауіпсіздігін бұзған 13 жағдай тіркелгенін айтты. Оның 3-еуі бөгде жекеменшік кәсіпорындар еншісіне тиесілі болса, 7 рет локомотивтің жарамсыздығы, 2 рет пойыздың бір сағатқа кешіктірілуіне қатысты 10 оқиға тіркелген. Тепловоз машинистерінің жедел тежегіш басу жағдайы биыл 46 рет тіркелген. Мұның 27-сінде иесіз малдың жол үстіне шығуы себеп болса, бөгде адамның рельс үстінде жүруіне байланысты 18 жағдай тіркелген. Ал маусым айының алғашқы 10 күнінде Қорқыт станциясы маңы мен Қызылорда жол дистанциясы телімінде бір-бірден иесіз малдың жол бойына шығып жайылып, пойызға басылуы тіркелген. Ал өткен жылдың осы уақытында 3 жағдай тіркелген болатын. Бұл мал иелерінің теміржолшылар тарапынан жасалатын ескертулерге құлақ аспайтын дығын білдірсе керек. Өңір теміржолы бойында пойыздардың қозғалыс қауіпсіздігінің бұзылмауы үшін аймақтағы 6 ревизор күн-түн демей жұмыс жасап, жылжы-малы құрамдардың қауіпсіз қозғалысын сақтау үшін барлық шараларды күшейтуде. Және де жол бойын тексеру барысында назарға ілінген кемшіліктерге бей-жай қарауға болмайтындығы еңбеккерлерге дер кезінде ескертіліп, техникалық пысықтау жұмыстары жүргізілуде. Пойыздар қозғалысының қауіпсіздігін сақтауды арттыру үшін сала шаруашылықтарына кезектен тыс, тосын тексерулер, беймезгіл уақыттағы бақылау жұмыстары ұйымдастырылуда.