Қостанайлық теміржолшылар жүргізушілерді өткелде мұқият болуға шақырды
Қостанай магистральдық желі бөлімшесінің өкілдері көлік полициясымен бірлесіп Қостанай Южный станциясында орналасқан 287 км өткелде профилактикалық рейд жүргізді. Іс-шара темір және автомобиль жолдарының қиылысатын жерлеріндегі ЖКО азайту мақсатында ұйымдастырылды, деп хабарлайды Rail-news.kz.
Акцияны ұйымдастырушылар автокөлік жүргізушілеріне өткелдер бар учаскелерде жол қозғалысы ережелерін сақтауға және өзінің және басқа адамдардың өміріне қауіп төндірмеуге шақырды.
Теміржол өткелдері пойыз қозғалысының жоғары қарқындылығына және жүк ағынының артуына байланысты жүргізушілерден ерекше назарды талап етеді. Дегенмен, кейбір автокөлік жүргізушілері әлі де жақындап келе жатқан құрамның алдынан өтуге тырысады.
Жүргізушілерге пойыздың тежегіш жолы төмен жылдамдықта да 1000 м-ге жетуі мүмкін екендігі туралы хабарланды.Минутты үнемдей отырып, жүргізушілер теміржол өткелдерінде төтенше жағдайлар туғызып жатады.
Жыл басынан бері Қостанай жол бөлімшесінің қызмет көрсету шекарасындағы темір жол өткелдерінде 6 ЖКО орын алды. Негізгі себеп - қозғалысқа тыйым салу белгісін елемей, өткелдерді кесіп өтетін жүргізушілер тәртібінің төмендігінен. Барлық ЖКО кезінде өткелдердегі дабылдар дұрыс жұмыс істеді, Бағдаршамдар белгі берулері, жолдар мен төсемдер барлық талаптарға сай болды.
Жүргізушілердің өткелдерге асығуы темір жолдарының зақымдануына, жылжымалы құрамның немесе тіпті локомотивтің жолдан шығуына әкеледі. Әрбір ЖКО жолаушылар мен жүк пойыздарының кешігуіне әкеп соғады.
Әрбір осындай жағдайдан кейін теміржолшылар өткелдің және жүру бөлігінің жай-күйін оған жақындағанда тексереді.