Құрметті теміржолшы Ідіріс Орынбасаровты еске алу шарасы өтті

Аймақтар
11.11.2022, 10:42
Суретті түсірген автор
Ардақ Ерубаева

Ақтөбе облысы бойынша меншікті тілші

Тоғыз станциясында Ақтөбе облысының «Жыл адамы» атанған «Парасат» орденді Құрметті теміржолшы Ідіріс Орынбасаровты еске алу шарасы өтті. Зейнетақысының жартысын ауылдастарына бөліп беретін теміржолшының ұрпақтары ұлағатты істі жаңғыртты.

Тарлан теміржолшының туған жері Тоғыз станциясында өткен халықтық шараға бүкіл ауыл тұрғындары қатысты. Ұрпақтарының ұйымдастыруымен жазылған «Қос жұлдыз – қос рельс» және «Тұғырдың тұғырлы тұлғасы – Ідіріс Орынбасар» атты кітаптардың тұсаукесері өтті.  

Ідіріс Орынбасаровтың ғибратты өмір жолы көпке үлгі боларлық. Ол он бес жасынан еңбекке араласып, Шалқар белгі беру және байланыс дистанциясының Тоғыз учаскесінде қырық бес жылға жуық еңбек еткен. Целиноград қаласындағы байланысшылар техникумында білім алған. Кеңес үкіметі кезінде «Құрметті теміржолшы» атағына ие болған. Оның әкесі де Шалқардың үстімен тартылған шойын жол құрылысын салуға қатысқан екен.  

Тарлан теміржолшы жас кезінен өз жұмысына мығым болды деп еске алады көзкөргендер. Көпмола, Жылан, Тоғыз, Қарашоқат, Шоқысу станцияларында вагон теңгергішін қарап-бақылайтын учаске қызметінің жүйелі жүруіне белсене қатысқан тәжірибесі мен біліктілігі ескеріліп, Батыс Қазақстан темір жолы бойынша Тоғыз станциясында озат тәжірибе таратуға арналған семинар өткізу құрметіне ие болған.  

Теміржолшы зейнетке шыққаннан кейін өзі тұрған сол шағын станцияда тірлік тоқтап, халық көшіп кетпес үшін кешегі қиын-қыстау жылдары қолынан келгеннің бәрін жасапты. Зейнетақысының бір бөлігін жақсы оқыған, сондай-ақ жағдайы нашар отбасы балаларына бөліп отырған. Ауылдық ардагерлер кеңесінің төрағасы ретінде аға буын өкілдерінің басын қосып, оларды жастар тәрбиесіне, ел бірлігін, ауызбіршілікті қамтамасыз етуге жұмылдырған.  

«Жақсының аты өлмейді» деген осы, қазір ауыл балалары жыл сайын теміржолшы жерлестері атындағы байқауға қатысып, эссе жазады. Теміржолшының ұрпақтары қаржылай қолдау көрсетіп, демеушілік жасайды. «Біз атаның ісін жалғастырушымыз. Балалардың шығармашылығына қолдау білдіреміз. Жақсылық пен ізгілік, теміржолшы кәсібі туралы шығармалар көп жазылады», – дейді теміржолшы атындағы қор жетекшісі Азамат Манасұлы.  

 

Жаңалықтар
30.08.2025
ҚТЖ мен China COSCO Shipping стратегиялық ынтымақтастықты кеңейтуде
Аймақтар
29.08.2025
Еңбек ұжымының мүддесі бәрінен жоғары
Жолаушылар тасымалы / Инфографика
29.08.2025
Жыл басынан бері ҚТЖ пойыздары 7,8 миллионнан астам жолаушыны тасымалдады
Қауіпсіздік
29.08.2025
Қауіпсіздік ережелерін сақтау қатаң тексерілуде
Әлеумет
29.08.2025
Жеті жүз балаға оқу құралы берілді
Инфрақұрылым
29.08.2025
Ақтөбеде жеті разъездің құрылысы басталды
Аймақтар
29.08.2025
«Қазкөліккәсіп» төрағасы Сыр теміржолшыларын марапаттады
Инфрақұрылым
29.08.2025
Вокзалдар жаңа кейіпке енеді
Аймақтар
29.08.2025
Ақтөбе рельс-арқалық зауыты «Үздік өнеркәсіптік тауар» иегері атанды
Спорт
29.08.2025
Конституцияның 30 жылдығына орай «Қазкөліккәсіп» дартс турнирін ұйымдастырды
Әлеумет
29.08.2025
Жамбыл ЖТ бөлімшесі жаңа оқу жылына 347 балаға қолдау көрсетті
Жаңалықтар / Мұрағат
29.08.2025
Қазақстан теміржолшысы газеті, №70 29 тамыз 2025 жыл
Әлеумет
28.08.2025
Оқушыларға рюкзак тарту етілді
Әлемде
28.08.2025
Ұлыбританияда аккумуляторлы пойыз жаңа рекорд орнатты
Жаңалықтар
28.08.2025
ҚТЖ Сычуань және Чэнду логистикалық компанияларымен келіссөздер өткізді
Әлемде
28.08.2025
Ресейде алғашқы сутекті пойыздың дизайны таныстырылды
Аймақтар
27.08.2025
Жаңа оқу жылы қарсаңында балаларға мектеп құралдары табысталды
Жаңалықтар
27.08.2025
ҚТЖ басшылығы Сычуань провинциясының губернаторымен кездесті
Бейнелер
27.08.2025
Жаңа теміржол Өзбекстанға жүк тасымалын еселемек
Спорт
27.08.2025
Қызылорда теміржолшылары арасында шағын футболдан турнир өтті