Теміржолшылар біліктілігін көтерді
Қызылорда облысы бойынша меншікті тілші
Теміржолшының кәсіби білімін, біліктілігін арттыру, жаңа талаптарға сай жетілдіру – компания бойынша тұрақты жүргізіліп келе жатқан үрдіс.
Пандемияға байланысты екі жыл онлайн өткен шара биылдан бастап қайтадан офлайн форматқа көшті. Қызылорда қосалқы жол бөлімінің кадр бөлімі маманы Шамшагүл Алпысбаева биыл сырбойылық теміржолшылар Ақтөбе және Тараз оқу орталықтарында білімін жетілдіргенін жеткізді. Жыл басынан бері жүк және жолаушы тасымалына қатысты 20 маман Ақтөбе мен Таразда дайындық курстарынан өтіп, куәлік алған. Бұдан бөлек Астанадағы оқу орталығынан онлайн форматта өткен сабаққа 8 теміржолшы қатысып, біліктілігін көтерген.
«Бұл теміржолшылардың кәсіби мамандықты жан-жақты игеруі үшін компания басшылығы тарапынан бекітілген, жоспарлы шаралар негізінде жүргізіліп отыр. Алдағы жылы да теміржолшыларды дайындық курстарында қосымша оқыту, білімін жетілдіру жоспарлы түрде жалғасады», – деді Шамшагүл Алпысбаева.