Семейде «Жас теміржолшы!» челленджі өтуде

Аймақтар
25.05.2023, 10:48
Суреттерді түсірген автор
Қуаныш Қожаев

Абай облысы бойынша меншікті тілші

Семей ЖТ бөлімшесінің басшысы Владимир Бабиченконың өкімімен Халықаралық балаларды қорғау күніне орай түрлі іс-шаралар өтіп жатыр. 

Еңбек ұжымдарында эмоционалды-мерекелік көңіл күй қалыптастыруды мақсат еткен шаралар легін «Жас теміржолшы!» челленджі бастады. Балалар ата-аналарының рұқсатымен әрі көмегімен теміржолшы формасын киіп, желі бойындағы әкімшілік нысандарда түрлі кейіпте суретке түсіп әлеуметтік желі арқылы жолдаулары керек. Аталмыш челленджді әуелгі кезекте Суықбұлақ станциясының теміржолшылары бастады. Жексенбі күні теміржолшы формасын    киген балақайлар станция ғимаратына келіп, аға-әпкелері, ата-аналары жұмыс істейтін орындармен танысты, суретке түсті. Балақайлар негізінен вагон қарушылары, станция кезекшісі, жолшы, тіпті жолсерік болып киініпті. Ойын баласы болғандықтан барлығы да тез әсерленіп, өздерін нағыз теміржолшылар тәрізді ұстай білді.

Бұл жерде оларды станция басшысы, Жарма өңіріне әйгілі Тұрсынбековтер династиясының өкілі Ернұр Талғатұлы қарсы алып, теміржолшы кәсібінің әліппесімен таныстырды.    

– Балалар мен олардың ата-аналары үлкен энтузиазммен дайындалды. Қысқа мерзім ішінде арнайы формалар да тігіп алды. Айта кетерлігі, бұл балдырғандардың арасында заманындағы Түрксіб құрылысын жүргізген даңқты династиялар өкілдері де бар. Балаларды арнайы әзірленген дастарханда тәттілермен сыйладық. Балақайлар келе жатқан мерекелерін айқын сезінді дей аламыз, – дейді Ернұр.

Аталмыш челленджді бір демде семейлік шаруашылық ревизорлары мен бөлімше қызметкерлері іліп алды. Ата-аналарымен бірге олардың жұмыс орындарына келуге мүмкіндік алғанына қуанған балдырғандар тіпті арнайы қауіпсіздік желетін киіп, бағыттамалы бұрмалар басында да суретке түсті.  

Айта кетерлігі сол, барлық фотосуреттер жиналып, іріктеліп, ең көркем әрі мазмұнды шыққан суреттер «ҚТЖ-Жүк тасымалы» ЖШС-нің баспа өнімдерінде, яғни күнтізбелер мен түрлі плакаттарды, т.б. пайдаланылуы мүмкін.  

Бір бұл емес, балалар үшін тартылар сый әлі алдыда. Себебі, енді бірер күнде салалық кәсіподақ ұйымы, станция басшылары, ТЧЭ мен ВЧД басшылығының ұйымдастыруымен балалар үшін барлық теміржол мекемелерінде «Ашық есік күні» ұйымдастырылмақ. Онда мекемелер басшылары өз жұмыс кабинеттерінде, тіпті, өндіріс орындарында балаларды қабылдап, теміржолшы мамандағының қыр-сырын қызықты етіп, егжей-тегжейлі түсіндіретін болады. 

 

Биылғы балақайлар мерекесі осылайша семейлік теміржолшылар арасында өзгеше сипатпен бастау алды. Жаңашыл шаралар аясында жергілікті сала қызметкерлері желі бойына таяу орналасқан балабақшалар мен балалардың ойын алаңқайларында да болып, танымдық-тағылымдық іс-шаралар жүргізуді көздеп отыр. Яғни, жас өркенге тек мерекелік көңіл күй сыйлап қана қоймай, желі бойындағы қауіпсіздік шараларын сақтау бойынша да жұмыстар жүргізілмек.

Жаңалықтар
30.09.2025
Пойыздан кешікке бойжеткен машинист кабинасына тас лақтырды
Жаңалықтар
30.09.2025
Алматыда «New SilkWay» бизнес-форумы өтіп жатыр
Жаңалықтар
30.09.2025
Президент: Қазақстан арқылы әлемнің ең ірі сауда нарығына 5 теміржол дәлізі өтеді
Жаңалықтар
30.09.2025
Мемлекет басшысы «Достық – Мойынты» теміржолының екінші желісін іске қосты
Трансформация
30.09.2025
Локомотив құрастырудың жаңа деңгейі
Жаңалықтар
30.09.2025
«НR-өндіріс серпіні»: Маңызды жобалар алаңы
Қауіпсіздік
30.09.2025
Қараусыз мал мен құлаққаптағы адам – пойыз қозғалысына қауіп
Аймақтар
30.09.2025
Құрылғылар сенімділігі күмән туғызбайды
Аймақтар
30.09.2025
Маңғыстау локомотившілері қысқы сынаққа сақадай сай
Аймақтар
30.09.2025
Жіңішке станциясында жүк жөнелту артты
Жаңалықтар / Мұрағат
30.09.2025
Қазақстан теміржолшысы газеті, №80 30 қыркүйек 2025 жыл
ҚТЖ келбеті
29.09.2025
ҚТЖ қызметкерлері байқауда топ жарды
Жаңалықтар
29.09.2025
Достық жол дистанциясында жаңғырту жұмыстары жүргізілді
Әлеумет
29.09.2025
Дүниежүзілік жүрек күні: ҚТЖ-да профилактикалық акция өтті
Жүк тасымалы / Апта саны
29.09.2025
Қыркүйекте теміржол көлігімен 1 млн тоннадан астам астық тасымалданды
Әлеумет
29.09.2025
Медициналық пойыз Абай елін аралап жүр
Жаңалықтар
29.09.2025
Қазақстан мен Қытай 2026 жылға арналған тасымалдау перспективаларын талқылады
Жүк тасымалы
29.09.2025
Қаржы министрлігі 2027 жылға қарай ТХКБ бойынша жүк тасымалы 7,2 млн тоннаға жетеді деп болжауда
Жаңалықтар
29.09.2025
ҚТЖ Достық станциясын дамытуға инвестиция салуда
Спорт
29.09.2025
KTZH Marathon 2025: Қозғалыс қуаты – Бірлік күші!