Сапалы жол пойыз жылдамдығын екі есе арттыруға мүмкіндік береді

Аймақтар
18.07.2023, 08:43
Суретті түсірген автор
Қосұйым Мұқашев

Атырау облысы бойынша меншікті тілші

Қозғалыс қауіпсіздігі мен станциялардың өткізу қабілетін, пойыздар жүрісінің жылдамдығын арттыру үшін жол сапалы болуы шарт. Ал өңірде жаңартатын жолдар баршылық. Биылғы жылға арналған жоспар бойынша аймақта 99,97 шақырым жол күрделі жөндеуден өтетін болып бекітіліп, қазіргі уақытта оның 69,9 шақырымы салынып бітті.

Соның ішінде Құлсары жол дистанциясы бойынша Қоркөл-Рзд-464 аралығында белгіленген 31,5 шақырым жол түгелдей бітіп, пайдалануға берілді. Құлсары жол дистанциясының бастығы Рақымжан Көрпебаевтың айтуынша, жол жөндеу жұмысында адам ресурстарына мейлінше аз салмақ түсіріп, басты басымдылық техникамен сапалы жұмыс жасауға берілуде. Ауыр жүктерді көтеріп-түсіруге (темір бетонды бұрмаларды, бағаналарды, шпалдарды, ауыр техникалардың қосалқы бөлшектерін) КЖ-562 маркалы краны пайдаланылады. Жейсмар фирмасының қол еңбегін жеңілдететін механикаландырылған рельстескіш, рельскескіш құралдары да бар. Күрделі жөндеу жұмыстары кезінде ДУАМАТ, Унимат, ДГС, ПБР, ВПРС машиналарының да көмегі көп.  

Сонымен қатар, Атырау жол дистанциясы бойынша Исатай станциясы мен 11 разъезд аралығындағы 29,5 шақырым жол да бүгінгі күні толықтай салынып бітті. Атырау магистральдық желі бөлімшесі бастығының міндетін атқарушы Амангелді Рахмеденовтың мәліметінше, күрделі жөндеу жұмыстары барысында ескі жолдар түгел алынып, орнына су жаңа темір бетонды шпалдар барлық технологиялық талаптар сақталып салынып жатыр. Бұрынғы рельстердің ұзындығы 25 метрлік болып бунақталып салынатын болса, қазіргі уақытта түйіспесіз жолдар төселуде. Бұл дегеніміз болтқа, қапсырмаға деген шығынды да азайтады.  

– Жол сапасы жақсаруының нәтижесінде жолаушылар пойызының жылдамдығы 60км/сағ-120км/сағатқа, жүк тасымалы пойызының жылдамдығы 50км/сағат-100км/сағатқа көтеруге ықпал етеді. Күрделі жөндеуден өткен жолдарда енді жолаушы пойыздарына 120 км/сағ, Тальгоға 140 км/сағ, ал жүк пойыздарына 100 км/сағ дейін жылдамдыққа рұқсат етіледі, – дейді Амангелді Рахмеденов.  

Күрделі жөндеу жұмыстары барысында «Integra Construction KZ» ЖШС мердігер мекеме тәулігіне 6 сағаттық толаскез алып, жұмысты жоспарлы уақытта бітіруді көздеп отыр.  

Жаңалықтар
30.08.2025
ҚТЖ мен China COSCO Shipping стратегиялық ынтымақтастықты кеңейтуде
Аймақтар
29.08.2025
Еңбек ұжымының мүддесі бәрінен жоғары
Жолаушылар тасымалы / Инфографика
29.08.2025
Жыл басынан бері ҚТЖ пойыздары 7,8 миллионнан астам жолаушыны тасымалдады
Қауіпсіздік
29.08.2025
Қауіпсіздік ережелерін сақтау қатаң тексерілуде
Әлеумет
29.08.2025
Жеті жүз балаға оқу құралы берілді
Инфрақұрылым
29.08.2025
Ақтөбеде жеті разъездің құрылысы басталды
Аймақтар
29.08.2025
«Қазкөліккәсіп» төрағасы Сыр теміржолшыларын марапаттады
Инфрақұрылым
29.08.2025
Вокзалдар жаңа кейіпке енеді
Аймақтар
29.08.2025
Ақтөбе рельс-арқалық зауыты «Үздік өнеркәсіптік тауар» иегері атанды
Спорт
29.08.2025
Конституцияның 30 жылдығына орай «Қазкөліккәсіп» дартс турнирін ұйымдастырды
Әлеумет
29.08.2025
Жамбыл ЖТ бөлімшесі жаңа оқу жылына 347 балаға қолдау көрсетті
Жаңалықтар / Мұрағат
29.08.2025
Қазақстан теміржолшысы газеті, №70 29 тамыз 2025 жыл
Әлеумет
28.08.2025
Оқушыларға рюкзак тарту етілді
Әлемде
28.08.2025
Ұлыбританияда аккумуляторлы пойыз жаңа рекорд орнатты
Жаңалықтар
28.08.2025
ҚТЖ Сычуань және Чэнду логистикалық компанияларымен келіссөздер өткізді
Әлемде
28.08.2025
Ресейде алғашқы сутекті пойыздың дизайны таныстырылды
Аймақтар
27.08.2025
Жаңа оқу жылы қарсаңында балаларға мектеп құралдары табысталды
Жаңалықтар
27.08.2025
ҚТЖ басшылығы Сычуань провинциясының губернаторымен кездесті
Бейнелер
27.08.2025
Жаңа теміржол Өзбекстанға жүк тасымалын еселемек
Спорт
27.08.2025
Қызылорда теміржолшылары арасында шағын футболдан турнир өтті