Интеллектуалды ойында бақ сынасты

Тәуелсіздік күні құрметіне Маңғыстау магистральдық желі бөлімшесінде өткен «Қазақша КВИЗ» интеллектуалды ойыны білім сайысы түрінде ұйымдастырылды.

Тәуелсіздік мерекесіне орай өткізілген білім бәйгесіне түбектің теміржол саласында еңбек ететін қызметкерлер қатысып, интеллектуалдық ой-өрістерін танытып, білім жарыстырды. Бес топ болып сынға түскендер: өрт сөндіру пойызынан «Отпантау оғландары», белгі беру және байланыс дистанциясынан «Бірлік», жол дистанциясының жігіттерінен «Шерқала», электрмен жабдықтаушылардан «Эврика», вокзал қызметкерлерінен «Qazaq station» топтары құрылды. Қатысушылар бес кезеңнен тұратын ойын шарттарын орындады.

Алдымен жалпы сұрақтарға жауап берсе, екінші турда салаға қатысты білімдерін паш етті. «Рухани жаңғыру» шартын орындау барысында аудио және видео форматындағы сұрақтар теміржолшылардың жылдамдығы мен тапқырлығына сын болды. Сондай-ақ олар қосымша ұпай жинау мақсатында берілген түрлі сұрақтарға жауап берді. 

Сайысқа Маңғыстау магистральдық желі бөлімшесі директорының орынбасары Нұрболат Шалғабай, Ғылыми техникалық бөлімнің басшысы Руслан Тұрақбаев, Маңғыстау қосалқы бөлімі аудармашысы Зәуре Қосымбаева төрелік етіп, қатысушылардың біліміне баға берді. 

Ойын қорытындысы бойынша «Бірлік» тобы ұпай есебімен алға шықты. өзгелерден шапшаң және біліктілігімен ерекшеленген бұл топтың құрамында жол дистанциясы директорының орынбасары Рүстем Теңізов, еңбекті қорғау инженері Айжан Мұқанова, техникалық бөлім инженері Төрехан Аширалиев, электромонтер Зина Нүржігітова және Еламан Бауыржан болды. Екінші орын өрт сөндірушілер командасы «Отпантау оғландарына» бұйырды. Оған Бейнеуден өрт сөндіру пойызы басшысы Бахытжан Дәулетбаев жетекшілік етіп, Бейнеуден Дулат Есетов, Маңғыстаудан Аманжол Жайлауов және Қожамұрат Төлесінов, Болашақтан өрт сөндіруші Ерболат Бытықов, т.б. қатысты. Үшінші орынды Шерқала тобы алды. Интеллектуалды ойын толықтай қазақ тілінде және жоғары деңгейде өтті. Қатысушылардың қызығушылығы мен белсенділігін ұйымдастырушылар жоғары бағалады.