Теміржолшы – ең үздік депутат
Қызылорда облысы бойынша меншікті тілші
Қызылорда магистральдық желі бөлімшесінің директоры, қалалық мәслихат депутаты Ибраким Басықараев 2023 жылдың қорытындысы бойынша сайлаушылар сенімін ақтаған ең үздік депутат деп танылды.
Пойыздардың қозғалыс қауіпсіздігін сақтауды басты мақсат еткен магистральдық желі бөлімшесінің басшысы кәсіби міндетімен қатар қоғамдық-саяси жұмыста да белсенді іс-қимылымен көзге түскен. «Теміржол» округі сайлаушыларының әлеуметтік әл-ауқатын арттыруда электораттың сенімін ақтау үшін көп жұмыс атқарған Ибраким Асқарұлына берілген баға әділ әрі орынды.
Бұл – өткен жылдың соңында республикалық «Біздің депутат» газетінің сайлаушылар арасында жүргізген сауалнамасының қорытындысы. Нәтижесінде Қызылорда магистральдық желі бөлімшесінің директоры Ибраким Асқарұлы ең «үздік депутат» аталымына ие болып, арнайы төсбелгімен марапатталған.