Қызылордада ауа райына байланысты пойыздардың кешігуі болмады
Қызылорда облысы бойынша меншікті тілші
Қызылорда магистральдық желі бөлімшесіне қарасты теміржол вокзалдары штаттық режимде жұмыс істеп тұр.
Жаңа жылда да, одан кейін де жолаушылар тарапынан арыз-шағым түспеген. Жыл ауысымында өңірде ауа-райының қолайлы болуына орай көліктер қозғалысы қауіпсіз болып вокзалдарда халық шамадан көп шоғырланбаған. Жолаушылар пойыздарының кестеден кешігуі, уақытынан бұрын не кеш жөнелтілуі, пойыздың қатынамай қалуы секілді келеңсіз жағдайлар орын алмаған.
– Қызылорда вокзалының бастығы Жарас Қойшығұлов, кезекші көмекшілері Гауһар Қадырова мен Болғанай Меңдібаевамен бірге барлық шараларды өз қолдарына алып үйлестіріп отырды. Қызылорда вокзалында жаңа жыл күні жолға шыққан жолаушыларды құттықтап, бүлдіршіндерге сыйлық таратылды. Жаңақорған, Жосалы, Төретам, Шиеліде, Қазалы мен Арал теңізі және Сексеуіл теміржол вокзалдары да қалыпты жұмыс істеп тұр, – дейді аймақтағы вокзал шаруашылығы бөлімінің жетекші инженері Бейбіт Ділдабаев.
