Берекелі мереке
![](https://rail-news.kz/uploads/2024/03/28/AMuqZwYizhOdbUbUPioYKf8bHXhaFROg1DeS2IbL.jpg)
![](https://rail-news.kz/img/noimg.png)
Қызылорда облысы бойынша меншікті тілші
Ұлыстың ұлы күні – Наурызды Сыр бойының теміржолшылары жоғары деңгейде атап өтті. Аймақтағы салалық мекемелердің барлығында мерекелік көңіл-күй қалыптасып, ұлттық киім киген қызметкерлер бір-біріне қонақ болып, ұлыс оң болсын, ақ мол болсын деп тілек айтты.
![](https://rail-news.kz/uploads/attachments/20240320-172310-66051988d9ec1.jpg)
Қызылордадан бастап аймақтағы Қазалы, Шиелі, Жаңақорған, т.б. станцияларда наурыз дастарханы жайылып, перронда жолаушыларға бауырсақ пен наурызкөже ұсынылды. Қазалы вагон депосы мен Қызылорда локомотив пайдалану депосында алтыбақан құрылып, қыз-жігіттер тербеліп ән салды. Түрлі спорттық жарыстар өтіп, аламан бәйге ұйымдастырылды. Қазан-қазан ас пісіріліп, наурызкөже, бауырсақ пен шелпек, құрт пен жент, т.б. ұлттық тағамдар берекелі наурыздың дастарханын толтырды.
![](https://rail-news.kz/uploads/attachments/20240320-175449-66051992e7af5.jpg)
Нұртай Байғазы басқаратын Қызылорда локомотив пайдалану депосында кәсіподақ ұйымының төрағасы Еркін Асанхановтың ұйымдастыруымен нағыз той болды. Аулада әр колонна бойынша арқан тартысы ұйымдастырылып, машинистер білек күшімен сынасты. Нәтижесінде 5-колонна, 6-колонна және 4-колонна машинистері жүлделі орындарды иеленді. Гір тасын көтеруден Бақыт Мамбеталиев пен Бауыржан Назаров 1-орын, Жомарт Төреханов, Азамат Сыдық пен Асқар Бекмамбетов кейінгі орындарды бөлісті. Ұлттық сайысқа шыққандардың барлығына депо басшылығының және «Қазкөліккәсіп» ҚБ Қызылорда филиалының төрағасы атынан марапат берілді.
![](https://rail-news.kz/uploads/attachments/20240320-182216-66051997d6c86.jpg)
![](https://rail-news.kz/uploads/attachments/20240320-184653-660519b0a09a4.jpg)