Маңғыстауда суға қарсы екі пойыз жасақталып, қауіпті тұстарға күзетті күшейтті

Аймақтар
02.04.2024, 11:59
Суретті түсірген автор
Шахида Жұман

Маңғыстау облысы бойынша меншікті тілші

Маңғыстауда биыл қар қалың болған жоқ. Мұнда тек жиналған жаңбыр суынан қауіп туындауы мүмкін. Дегенмен теміржолшылар кез келген төтенше жағдайға дайындығын пысықтап, бес қаруын сайлап отыр. Ағын суға қарсы қажетті құрал-жарақтарымен екі пойыз жасақталып, қауіпті тұстарға күзетті күшейткен.

Кезінде түбек теміржолының кейбір учаскелеріне қар суы жолды шайып кеткен жағдайлар болған. Сондықтан су басуға бейім жерлер назарға алынып, тиісті мамандар таулы-қыратты жерлерде судың көбею немесе жиналу қаупін қадағалап отыр. Су ағып өтетін бағыттардағы суағарлардың жағдайы жіті тексерілген. Қалпына келтіру пойыздары да дайындық сапына қойылған. Бейнеу және Маңғыстау станциясындағы екі қалпына келтіру пойызынан басқа теміржолға қауіп төніп, төтенше жағдай жарияланар болса, судың салдарымен күресуге қай мекемеден қанша адам шығатын тізімі де жасалған.  

Синоптиктер наурыз айының соңы мен сәуір айының бастапқы онкүндігінде ылғал көп түседі деген болжам жасайды. Сол себепті барлық құрылым дайындық сапында, тасқынға қарсы пойыздар 15 мамырға дейін кез келген уақытта жолға аттануға әзір тұрады, – дейді Маңғыстау қосалқы бөлімі бастығының орынбасары Алпамыс Балғымбеков.  

Ал Маңғыстау магистральдық желі бөлімшесінің хабарлауынша, қазір түбек теміржолы аумағында бес жүзге жуық су құбыры мен жүз шақты көпір бар. Соның ішінде Маңғыстау жол дистанциясы қызмет атқаратын №9 бекет-Маңғыстау, Маңғыстау-Құрық порты, Маңғыстау-Болашақ станцияларына дейінгі аралықта 250 құбыр, 66 көпір, 9,6 шақырым кювет, 4,2 шақырым таулы арық орналасқан. Ал Бейнеу жол дистанциясына қарасты Бейнеу-Оазис, Бейнеу-Тассай, Бейнеу-Сай-Өтес станцияларына дейінгі жолдарда су өткізетін құбыр – 222, көпір 24 дана. Сонымен қатар бұл аумақта 25 шақырым кювет, 13,4 шақырым таулы арық бар. Мамандардың айтуынша, соның барлығы тексеріліп, тазаланып, жауын-шашынды мезгілге дайындық жасалған.  

– Маңғыстау жол дистанциясы аумағында 55, Бейнеу жол дистанциясы бойынша 14 су шаюға бейім жер бар. Соған назар аударылуда. Сонымен қатар тасқынға қарсы екі пойыз жасақталып, Бейнеу станциясында бір жабық вагонға пиломатериал, цемент, т.б. материалдар тиелген. 60 дана шпал мен 12 дана рельс дайын. Сай-Өтесте бір платформа шпал, Шетпе станциясында бес платформа тас, 120 дана шпал әзірленді. Маңғыстау станциясында бір жабық вагон инертті материал, пиломатериал, цемент, т.б. материалдар, 12 дана рельс пен 2 платформа тас жүктеліп тұр. Табиғи және техногенді сипаттағы төтенше жағдайлар кезінде азаматтық қорғаудың арнайы іс-шараларын жүргізу үшін 22 азаматтық қорғау құрамасы құрылды, – дейді Маңғыстау магистральдық желі бөлімшесі директорының орынбасары Нұрболат Шалғабай.  

Материал басылымға беттеліп жатқанда көктемгі су тасқынына байланысты түбек теміржолында селекторлық жиын өтіп, онда аталған жұмыстар тағы да егжей-тежейлі қаралды. Маңғыстау қосалқы бөлімі бастығы Нәжімеден Ғұбашов өңір теміржолы тарихында жаңбыр суымен байланысты 1991, 1997, 2006, 2012, 2016 жылдары орын алған жайттарды еске салып, сондай оқиғалар қайталанған жағдайда қапы қалмас үшін дайындықты күшейтуді тапсырды. Тасқын суды бөгеуге қарсы материалдарды көбейте түсіп, Шетпе станциясына тағы да 10 вагон қиыршық тас дайындап қоюды міндеттеді.

 

Жаңалықтар
30.09.2025
Пойыздан кешіккен бойжеткен машинист кабинасына тас лақтырды
Жаңалықтар
30.09.2025
Алматыда «New SilkWay» бизнес-форумы өтіп жатыр
Жаңалықтар
30.09.2025
Президент: Қазақстан арқылы әлемнің ең ірі сауда нарығына 5 теміржол дәлізі өтеді
Жаңалықтар
30.09.2025
Мемлекет басшысы «Достық – Мойынты» теміржолының екінші желісін іске қосты
Трансформация
30.09.2025
Локомотив құрастырудың жаңа деңгейі
Жаңалықтар
30.09.2025
«НR-өндіріс серпіні»: Маңызды жобалар алаңы
Қауіпсіздік
30.09.2025
Қараусыз мал мен құлаққаптағы адам – пойыз қозғалысына қауіп
Аймақтар
30.09.2025
Құрылғылар сенімділігі күмән туғызбайды
Аймақтар
30.09.2025
Маңғыстау локомотившілері қысқы сынаққа сақадай сай
Аймақтар
30.09.2025
Жіңішке станциясында жүк жөнелту артты
Жаңалықтар / Мұрағат
30.09.2025
Қазақстан теміржолшысы газеті, №80 30 қыркүйек 2025 жыл
ҚТЖ келбеті
29.09.2025
ҚТЖ қызметкерлері байқауда топ жарды
Жаңалықтар
29.09.2025
Достық жол дистанциясында жаңғырту жұмыстары жүргізілді
Әлеумет
29.09.2025
Дүниежүзілік жүрек күні: ҚТЖ-да профилактикалық акция өтті
Жүк тасымалы / Апта саны
29.09.2025
Қыркүйекте теміржол көлігімен 1 млн тоннадан астам астық тасымалданды
Әлеумет
29.09.2025
Медициналық пойыз Абай елін аралап жүр
Жаңалықтар
29.09.2025
Қазақстан мен Қытай 2026 жылға арналған тасымалдау перспективаларын талқылады
Жүк тасымалы
29.09.2025
Қаржы министрлігі 2027 жылға қарай ТХКБ бойынша жүк тасымалы 7,2 млн тоннаға жетеді деп болжауда
Жаңалықтар
29.09.2025
ҚТЖ Достық станциясын дамытуға инвестиция салуда
Спорт
29.09.2025
KTZH Marathon 2025: Қозғалыс қуаты – Бірлік күші!