Атырау электрмен жабдықтау дистанциясына жаңа техника жеткізілді
Атырау облысы бойынша меншікті тілші
Атырау электрмен жабдықтау дистанциясына қытайлық Dongfeng EQ2120NL6DJ маркалы автокөлік келді. 7 орындық жол талғамайтын көлік электрлендірілген, барлық функциясы кнопкалар арқылы басқарылады.
Су жаңа техникаға ие болған ЭЧ жұмысшылары қуанышты. Дистанцияның бас инженері Абай Есқалиевтің айтуынша, көлік Атырау магистральдық желі бөлімшесінің 2023 жылдан 2024 жылға ауысқан инвестициялық бюджетіне сәйкес алынған.
«Шыны керек, бұрынғы 2006 жылы алынған УАЗ көлігі әбден тозды, ал электр желісі мен бағандарын тексеруде көлік өте қажет. Сондықтан жуырда жол талғамайтын 1 дана жаңа көлік алдық. Ол жері сазды, балшықты болып келетін Аққыстау аудандық торабына берілді. Биыл осындай тағы 4 көлік келуі тиіс», - дейді ол.
Көлік электрлендірілген, барлық функциялары кнопкалар арқылы басқарылатын жеңіл және жайлы. Пайдалану мерзімі – 7-8 жыл. Аудандық торап учаскесінің қызмет көрсету аясы АБ және ПЭС-10 кВ 11-разъезд-Аққыстау-17-разъезд аралығын, жалпы ұзындығы 116 шақырымды қамтиды. Сөйтіп, Аққыстау аудандық торап мамандары жолсыз жерлерде жол талғамайтын көлікпен жүйткіп жүруге мүмкіндік алды.