Маңғыстау станциясынан Атырауға техника, құрал-жабдықтар жөнелтілуде
![](https://rail-news.kz/uploads/2024/04/12/5O98RuZ57N7z2pxQlbm6nFgkM9Qnf8ZKx3fnlpEj.jpg)
![](https://rail-news.kz/img/noimg.png)
Маңғыстау облысы бойынша меншікті тілші
9 сәуір күні алғашқы легі, яғни 13 платформа әскери техника, 6 жолаушылар вагонымен 300 әскери қызметкер теміржолмен көмекке аттандырылған еді. 11 сәуірде тағы да 1 жолаушылар вагоны, 1 жабық вагон, 10 платформа жолға шықты.
«Атырау қаласына төнген су тасқыны қаупінің алдын-алу мақсатында ҚТЖ ҰҚ АҚ қолдауы, Маңғыстау облысы әкімдігінің ұйымдастыруымен, өңірдегі жеке кәсіпкерлер, Ақтау теңіз порты, Казмортрансфлот, Қаражамбасмұнай, Альянс LTD, Оңдасынстрой, Ас-Құрылыс сияқты ірі өндірістік компаниялардың қолдауымен кеше қысқа мерзім ішінде Маңғыстау станциясынан Атырау қаласына қарай 12 жеке құрам, 4 эксковатор, 5 погрузчик, 1 автобус, 18 дана суда құтқару плоты, 5000 дана қап тиелген пойызды жібердік. Аталған жүктер өңірдегі ауызбіршіліктің нәтижесінде шұғыл түрде жиналып, вагондарға тиеліп, жөнелтілді», – дейді Маңғыстау станциясы бастығының орынбасары Амантай Нұрсапин.
![](https://rail-news.kz/uploads/attachments/whatsapp-image-2024-04-12-at-205341-1-6619596b08ee9.jpg)
Осы техника жүктерінің ашық құрамаларға бекітілген сызба бойынша тиеп, бекіткен жеке кәсіпкер Данияр Габдуллиннің еңбегін ерекше айта кету керек. Жұмысшыларына өзі басшылық етіп, істің басы-қасында жүріп, барлығын ақысыз түрде атқарды, дейді станциядағылар.
![](https://rail-news.kz/uploads/attachments/whatsapp-image-2024-04-12-at-205340-661959708b169.jpg)