Жылға станциясында жаңа модулді ғимарат пайдалануға берілді (Фото)

Аймақтар
23.09.2024, 11:38
Нұрлыбек Досыбай

Түркістан облысы бойынша меншікті тілші

Арыс жол дистанциясына қарасты Жылға станциясында жаңа модульдік ғимарат пайдалануға берілді. Көлемі 16х6,7 метрді құрайтын нысанның жалпы ауданы 106 шаршы метрді құрайды.

Бүгінге дейін ескі ғимаратты құрал-сайман қоймасы ретінде пайдаланып келген жылғалық жолшылар осы күндері жаңа қонысқа көшіп, көңілдері марқайып жүр.

Жаңа ғимаратта жолды күтіп-баптаумен айналысатын мамандарға барынша жағдай жасалған. Ас бөлмесі мен жуынатын және жатып тынығатын бөлмеден бөлек, арнайы сабақ өтетін кабинет те қарастырылған. Сондықтан да бұл жерде бір мезетте 10-14 адам еркін қозғалып, қарқынды жұмыс жүргізуіне толықтай мүмкіндік бар.

Құстың ұясындай ғана ғимарат болғанымен, қыста – жылы, жазда – салқын. Әр бөлмесі шаршы метріне қарай арнайы салқындатқышпен қамтамасыз етілген. Арнайы жиһазбен жабдықталған асханада қысқатолқынды пеш пен диспенсердегі фильтрлі су да пайдалануға қолайлы жерге қойылған. Тоңазытқыш та бар, жұмысшылар үйлерінен алып келген ас-ауқатын сонда сақтайды.  

– Осы учаскеде еңбек етіп келе жатқаныма биыл 12 жыл. «Бұдан жаман күнде де тойға барғанбыз» демекші, осы кезге дейін темір жолды жағалап жүріп талай жыл тер төктік. Мынадай жағдай жасалғаннан кейін көңілің тоқ болып, еңбекке құлшынысың артатыны сөзсіз. Жігіттердің бәрі риза, салулы төсек, салқын үйде емін-еркін ас ішіп, жуынып-шайынып, дем алып, көсіліп жатуға да жағдай бар, – дейді жол шебері Аманкелді Сапарұлы.

Жұмысшылардың бір сәт бой жазып тынығуы үшін үлкен бөлменің қос қапталына 8 кереует қатар қойылып, ортасы екіжақты киім ілу шкафтарымен ыңғайлы етіп бөлінген. Ал гигиеналық бөлмеде екі душ кабинасы орналасқан. Өрт сөндіру құралдары да қолайлы жерге қойылып, темекі тартуға тыйым салу белгілері мен эвакуациялау жоспары да қабырғаның көзге түсер тұсына ілінген. Әрбір бөлмеге тартылған электр желісі арнайы қапталған. Үздіксіз ауа айналымы болуы үшін әр бөлмедегі төбе жабынының төменгі тұсынан арнайы тесік ойылып, оның беті реттелетін пластик тормен бекітілуі де тапқырлық екен дедік. Қысқасы, шағын жерде қажеттіліктің бәрі де өте ыңғайлы әрі қолжетімді етіп жасалғаны көз сүйсіндіріп, көз қуантады.

Арыс жол дистанциясының бас инженері Думан Әсілханұлы бұл өңір теміржолшыларына жасалып жатқан жағдайдың бір ғана бөлігі екенін айтады. Алдағы уақытта еңбек қорғауға бағытталған шаралар қатары артады.    

– Теміржол өткелдеріндегі кезекшілердің де жағдайын жасап, қыста жылы, жазда салқын жерде отырып жұмыс істеуін қамтамасыз ететін боламыз, – дейді дистанцияның бас инженері.

Айта кетейік, бүгінгі таңда Ғалымжан Мұқажанов жетекшілік ететін Арыс жол дистанциясының ұжымы Түркістан мен Сарыағаш теліміндегі 3102 мен 3345-ші шақырым аралығындағы 243 шақырым шойын жолды күтіп-баптаумен айналысады. Бұл мекеме қызметкерлері Арыс пен Түркістан қаласындағы және Қазығұрт, Сарыағаш, Мақтаарал, Жетісай, Сауран, Отырар мен Ордабасы аудандарының аумағында орналасқан қолданыстағы 272,6 шақырымды құрайтын темір жолдағы қауіпсіз қозғалысты қамтамасыз етеді. Оның 218,1 шақырымын қос жылды, 54,5 шақырымын біржолды телім құрайды.

Инфрақұрылым
28.06.2025
Елімізде теміржол желісіне ауқымды жаңғырту жүргізуде
Жаңалықтар
27.06.2025
Варшавада ТХКБ дамыту жөніндегі жұмыс тобының отырысы өтті
ҚТЖ келбеті
27.06.2025
Вагон қозғалысын реттеушілер жайлы бір үзік сыр
Инфрақұрылым
27.06.2025
Маңғыстау теміржолы күрделі жөндеуге күш салуда
ҚТЖ келбеті
27.06.2025
Қырық жыл кешіккен шындық
Әлеумет
27.06.2025
Балалар жазы көңілді
Инфрақұрылым
27.06.2025
Теміржол жөндеу жұмыстары қарқынды жүріп жатыр
Жаңалықтар / Мұрағат
27.06.2025
Қазақстан теміржолшысы газеті, №49 27 маусым 2025 жыл
Әлемде
26.06.2025
Қытай темір жолдары биыл 1,86 млрд жолаушы тасымалдап, жаңа рекорд орнатты
Қауіпсіздік
26.06.2025
Семейде қозғалыс қауіпсіздігіне арналған кеңейтілген кеңес өтті
Спорт
26.06.2025
Ақтөбеде теміржолшылар тартысты ойын көрсетті
Жаңалықтар
26.06.2025
Астанада көлік, логистика көшбасшыларының басын біріктірген халықаралық көрме өтіп жатыр
Жолаушылар тасымалы
26.06.2025
Жыл соңына дейін ҚТЖ пойыздарының барлығы бейнекамерамен жабдықталады
Жаңалықтар
25.06.2025
Теміржол және су көлігі комитетінің төрағасы Атыраудағы вагон шығару зауытына барды
Жаңалықтар
25.06.2025
Нұрлан Жақыпов Alstom компаниясымен әрі қарайғы серіктестікті талқылады
Әлемде
25.06.2025
Қытай 650 км/сағ жылдамдықпен қозғалатын магнитопланды сынақтан өткізді
Аймақтар
25.06.2025
Алматы темір жол бөлімшесінде жүк тасымалы 16%-ға өсті
Жаңалықтар
24.06.2025
Тоқаев: Теміржол саласында Alstom, Wabtec және Stadler компанияларымен табысты серіктестік орнаттық
Жаңалықтар
24.06.2025
Қасым-Жомарт Тоқаев Wabtec президентімен кездесті
Жолаушылар тасымалы
24.06.2025
Биыл 240 мыңнан аса мүмкіндігі шектеулі жолаушы ҚТЖ пойыздарымен сапарға шыққан