Министр ел шығысындағы жаңа теміржол жобалары жайлы айтты

Аймақтар
04.10.2024, 10:34
Қуаныш Қожаев

Абай облысы бойынша меншікті тілші

Жуырда ҚР Көлік министрі Марат Қарабаев ел шығысына арнайы жұмыс сапарымен келді. Семей қаласында жергілікті тұрғындармен, көлік саласы қызметкерлерімен кездескен сала басшысы еліміздің көлік инфрақұрылымы бойынша қолға алынып жатқан жобалармен таныстырды.

Министрмен өткен басқосуға Семей ЖТ бөлімшесінің басшылығы, станциялар мен бөлімдер басшылары да қатысты. Өз сөзінде Марат Кәрімжанұлы республикалық маңызы бар жолдардың құрылысы мен қазіргі жай-күйі, шығыстағы теміржол саласындағы қолға алынған жаңа жобалар туралы әңгімеледі.  

Министр қазіргі таңда құрылысы жүріп жатқан Жаңғызтөбе станциясы аумағында темір жол арқылы өтетін жол өтпесін салу жұмыстары министрлік назарында тұрғанын айтты. Сонымен қатар Семей теміржолы үшін вагон тапшылығын болдырмау мәселесі де кеңінен сөз болды. Бұл орайда министр аталмыш тарапта қолға алынған жұмыстар бар екенін жеткізіп, алдағы уақыттарда ел шығысы бойынша жүк тасымалын қамтамасыз ету үшін жергілікті вагон паркін жаңарту іс-шараларына да баса назар аударылып отырғанын айтып өтті.  

Сол тәрізді министр Семей шетінен салынатын айналма жол жобасы туралы да пікір білдіріп, келер жылы Бақты – Аягөз теміржолының құрылысы себепті жүктеме еселейтінін жеткізді. 60 шақырымдық айналма жол 2027 жылы қолға алынбақ. Сондай-ақ шығыстағы облыс тұрғындары үшін жағымды жаңалық, Қазақстанда тағы бір халықаралық теміржол қатынасын іске қосатынын жеткізді. Атап айтсақ, Қазақстанның Көлік министрлігі мен Ресей Федерациясының Көлік министрлігі «Риддер-Новосибирск» халықаралық теміржол қатынасын қалпына келтіру туралы келісімге келген. Жаңа бағыт бойынша пойыздар биылғы 18 желтоқсаннан бастап төрт күнде бір рет жүре бастайды. «Ресей темір жолдары» АҚ қызмет көрсететін №407/408 халықаралық пойызы 250 жолаушыға арналған 6 вагоннан, 3 купе мен 3 плацкарт вагоннан тұрады. Пойыз ауаны баптау және бейнебақылау жүйелерімен, биоәжетхана кешендерімен, розеткалармен, мобильді құрылғыларды, гаджеттерді қуаттауға арналған USB порттарымен және әр орынның жанында жеке жарықтандырумен жабдықталады.  

Шығыстағы автокөлік жолдарының жай-күйі де кеңінен сөз болды. Министр жалпы ұзындығы 768 шақырымды құрайтын «Талдықорған-Қалбатау-Өскемен» тасжолының құрылысы биыл аяқталатынын жеткізді. Қазір көпірлер мен жол өтпелеріндегі құрылыс жұмыстары жалғасуда. 2025 жылдың соңына дейін Шығыстағы ірі өнеркәсіп орталықтары мен туристік нысандарға апаратын 400 шақырым жол қалпына келтірілмек.  

– Мемлекет басшысы республика бойынша кемінде 10 мың шақырым жолды қамту үшін орташа жөндеу бағдарламасын кеңейтуді тапсырды. Сапа – басты басымдық. Барлық өңірлерде орташа жөндеу жұмыстары жүргізілетін жолдар анықталды. Мысалы, Алтайға, Шемонаихаға, Серебрянскқа апаратын жолдар жөнделеді. Сондай-ақ Марқакөл, Рахманов бұлағы және Катонқарағай туристік нысандарына апаратын жолдар да жөндеуден өтеді, – деді министр.

Жаңалықтар
30.09.2025
Президент: Қазақстан арқылы әлемнің ең ірі сауда нарығына 5 теміржол дәлізі өтеді
Жаңалықтар
30.09.2025
Мемлекет басшысы «Достық – Мойынты» теміржолының екінші желісін іске қосты
Трансформация
30.09.2025
Локомотив құрастырудың жаңа деңгейі
Жаңалықтар
30.09.2025
«НR-өндіріс серпіні»: Маңызды жобалар алаңы
Қауіпсіздік
30.09.2025
Қараусыз мал мен құлаққаптағы адам – пойыз қозғалысына қауіп
Аймақтар
30.09.2025
Құрылғылар сенімділігі күмән туғызбайды
Аймақтар
30.09.2025
Маңғыстау локомотившілері қысқы сынаққа сақадай сай
Аймақтар
30.09.2025
Жіңішке станциясында жүк жөнелту артты
Жаңалықтар / Мұрағат
30.09.2025
Қазақстан теміржолшысы газеті, №80 30 қыркүйек 2025 жыл
ҚТЖ келбеті
29.09.2025
ҚТЖ қызметкерлері байқауда топ жарды
Жаңалықтар
29.09.2025
Достық жол дистанциясында жаңғырту жұмыстары жүргізілді
Әлеумет
29.09.2025
Дүниежүзілік жүрек күні: ҚТЖ-да профилактикалық акция өтті
Жүк тасымалы / Апта саны
29.09.2025
Қыркүйекте теміржол көлігімен 1 млн тоннадан астам астық тасымалданды
Әлеумет
29.09.2025
Медициналық пойыз Абай елін аралап жүр
Жаңалықтар
29.09.2025
Қазақстан мен Қытай 2026 жылға арналған тасымалдау перспективаларын талқылады
Жүк тасымалы
29.09.2025
Қаржы министрлігі 2027 жылға қарай ТХКБ бойынша жүк тасымалы 7,2 млн тоннаға жетеді деп болжауда
Жаңалықтар
29.09.2025
ҚТЖ Достық станциясын дамытуға инвестиция салуда
Спорт
29.09.2025
KTZH Marathon 2025: Қозғалыс қуаты – Бірлік күші!
Жаңалықтар
28.09.2025
ҚТЖ басшылығы Астана-1 вокзалының жөндеу жұмысымен танысты
Жаңалықтар
27.09.2025
Құрметті теміржолшы «Құрмет» орденімен марапатталды