Осы жылдың 10 айында Ақтөбе арқылы 18 544 транзиттік пойыз жүріп өтті

Аймақтар
05.12.2024, 10:01
Ардақ Ерубаева

Ақтөбе облысы бойынша меншікті тілші

«ҚТЖ-Жүк тасымалы» ЖШС – Ақтөбе филиалы Таяу Шығыс пен Шығыс Еуропа елдеріне транзиттік ағынды арттыра түскен. Бөлімшенің географиялық тиімді орналасуы үлкен мүмкіндіктерге қол жеткізіп отыр. Жүк пойыздарының жүк айналымындағы үлесі жыл санап артып келеді.  

«ҚТЖ-Жүк тасымалы» ЖШС – Ақтөбе бөлімшесінің бас инженері Жасұлан Рысқалиев биылғы 10 айдағы жұмысты қорытындылады. Бөлімшеде вагондар паркін уақытылы қамтамасыз етудің арқасында жүк тасымалының жоспары 111,4% орындалған. Тәуліктік тапсырма бойынша 334 вагон жүк түсірілу жоспары 370 вагонға дейін жеткен.    

Он айдағы тиеу жұмыстарының 91% ел аумағына ұйымдастырылса, қалған 9% сыртқы тасымалға тиесілі болған. Тиеудің негізгі үлесін – 45,7% құрылыс жүктері құрайды. Оның ішінде түрлі түсті кен – 16,9%, мұнай – 4,7%, қара металдар – 4,1%, астық – 0,9%, химиялық заттар 0,7% құраған.    

– Сонымен қатар биыл республикалық маңызы бар автожолдарды жөндеуге қажетті қиыршық тас тасымалдау үшін аймақта 20 бағыт іске қосылды. Нәтижесінде құрылыс аймақтарына 860 жартылай вагонмен қиыршық тас жеткізу ұйымдастырылды. Мұғалжар станциясынан – 129 вагон, Біршоғыр станциясынан – 430 вагон, Кемпірсай станциясынан 301 вагон қиыршық тас тиелді. Сондай-ақ пойыздардың техникалық жылдамдығының пайдалану көрсеткішін берілген жоспарға және өткен жылдың ұқсас кезеңіне 100% деңгейінде орындауға қол жеткізілді. Жүк тасымалын жетілдіру және жылжымалы құрамды қайта өңдеу кезінде сұрыптау жүйелерінің жұмысын жеңілдету мақсатында филиалда барлық номенклатура жүктерін маршруттау бойынша жұмыс жүрді. Жүк номенклатурасы бойынша: темір рудасы 89,6%, құрылыс жүктері 80,0%, оның ішінде Қазавтожол және жергілікті атқарушы органдар бағдарламасы бойынша 24 маршрут «Бершүгір – Атырау», «Бершүгір – Орал», «Мұғалжар – Атырау», «Мұғалжар – Орал» бағыттары бойынша ұйымдастырылды. Қара металл 56,5% құрап, «Кемпірсай –Достық», «Жіңішке-Достық» бағытында ұйымдастырылды.

Ақтөбе бөлімшесіндегі ірі жүк жөнелтушінің бірі «Қазхром» ТҰК» АҚ  Дон станциясы арқылы 43 202 вагон, 3 017 424 тонна жүк тиеді. Ал Ақтөбе ферроқорытпа зауыты экспортқа 6 313 вагон, 419 507 тонна қара металл шығарған.  «Ақтөбе мыс компаниясы» ЖШС Кемпірсай станциясы арқылы 5 303 вагон 346 979 тонна түрлі түсті кен тиесе, «СНПС-Ақтөбемұнайгаз» АҚ Жем станциясынан 9 746 вагон 336 612 тонна сұйытылған көміртекті газ тиеуді ұйымдастырды, – деп ақпар берді бас инженер.

Сондай-ақ 10 айда Ақтөбе өңірі бойынша 927 200 транзиттік вагон немесе 18 544 пойыз жүріп өтіп, орташа есеппен бұл тәулігіне 3 040 вагонды құраған. Контейнерлік пойыздарды өткізу 58%-ға ұлғайған. Қазір әлем елдері жүктерді контейнерлермен тасымалдауға қарқынды түрде көшіп жатқаны белгілі. Өткен жылмен салыстырғанда «ҚХР-Еуропа-ҚХР» бағыты бойынша жүретін контейнерлік пойыздарды өткізу 52%-ға артқан. Сондай-ақ ҚХР – Ресей бағыты бойынша жүретін контейнерлік пойыздардың өткізу қабілеті 51%-ға ұлғайды.

Бөлімшеде алдағы жылдарда инфрақұрылымды дамыту, жылжымалы құрамды жаңарту, жүктерді контейнерлендіру, балама бағыттар мен халықаралық дәліздерді дамыту бойынша шаралар қабылдануда, тиісті жобалар да жоқ емес. Бірқатар жаңа инфрақұрылымдық объектілер пайда болады. Маршруттық пойыздар қозғалысын тиімді ұйымдастыру үшін жаңа бағыттар салу жобасы бар. Өңірде Хромтау станциясы бағытынан Жазық станциясына және кері қарай, Никельтау станциясына кірмей, Қандыағаш торабы бойынша Жем бағытынан Мақатқа қарай станцияға кірмей айналма жолдар салу көзделген.  

Жаңалықтар
30.08.2025
ҚТЖ мен China COSCO Shipping стратегиялық ынтымақтастықты кеңейтуде
Аймақтар
29.08.2025
Еңбек ұжымының мүддесі бәрінен жоғары
Жолаушылар тасымалы / Инфографика
29.08.2025
Жыл басынан бері ҚТЖ пойыздары 7,8 миллионнан астам жолаушыны тасымалдады
Қауіпсіздік
29.08.2025
Қауіпсіздік ережелерін сақтау қатаң тексерілуде
Әлеумет
29.08.2025
Жеті жүз балаға оқу құралы берілді
Инфрақұрылым
29.08.2025
Ақтөбеде жеті разъездің құрылысы басталды
Аймақтар
29.08.2025
«Қазкөліккәсіп» төрағасы Сыр теміржолшыларын марапаттады
Инфрақұрылым
29.08.2025
Вокзалдар жаңа кейіпке енеді
Аймақтар
29.08.2025
Ақтөбе рельс-арқалық зауыты «Үздік өнеркәсіптік тауар» иегері атанды
Спорт
29.08.2025
Конституцияның 30 жылдығына орай «Қазкөліккәсіп» дартс турнирін ұйымдастырды
Әлеумет
29.08.2025
Жамбыл ЖТ бөлімшесі жаңа оқу жылына 347 балаға қолдау көрсетті
Жаңалықтар / Мұрағат
29.08.2025
Қазақстан теміржолшысы газеті, №70 29 тамыз 2025 жыл
Әлеумет
28.08.2025
Оқушыларға рюкзак тарту етілді
Әлемде
28.08.2025
Ұлыбританияда аккумуляторлы пойыз жаңа рекорд орнатты
Жаңалықтар
28.08.2025
ҚТЖ Сычуань және Чэнду логистикалық компанияларымен келіссөздер өткізді
Әлемде
28.08.2025
Ресейде алғашқы сутекті пойыздың дизайны таныстырылды
Аймақтар
27.08.2025
Жаңа оқу жылы қарсаңында балаларға мектеп құралдары табысталды
Жаңалықтар
27.08.2025
ҚТЖ басшылығы Сычуань провинциясының губернаторымен кездесті
Бейнелер
27.08.2025
Жаңа теміржол Өзбекстанға жүк тасымалын еселемек
Спорт
27.08.2025
Қызылорда теміржолшылары арасында шағын футболдан турнир өтті