Арыс-2 станциясында техникалық сабақ өтті

Аймақтар
18.12.2024, 11:49
Нұрлыбек Досыбай

Түркістан облысы бойынша меншікті тілші

Арыс вагон пайдалану депосы басшылығының ұйымдастыруымен Арыс-2 станциясындағы техникалық қызмет көрсету пунктінің жолаушылар вагоны тұрақтайтын тұйық жолында техникалық сабақ өтті. Жиынға Шымкент, Қазығұрт, Сарыағаш, Түркістан станцияларының вагон қараушылары қатысты.

Техникалық сабақтың мақсаты – қызметкерлердің нормативтік құжаттарда бекітілген ереже-нұсқаулықтарды білуі мен кәсіби біліктіліктерін шыңдау және тәжірибесін арттыру. Сондай-ақ жылжымалы құрамнан ақау анықталған жағдайда сауатты әрекет ету мен қызмет көрсету сапасын көтеруге баулу.

Қатысушыларға теориялық сабақ пен доңғалақ жұптарын жедел ауыстырудың тетіктері практикалық тұрғыда көрсетіліп, түсіндірілді. Сонымен қатар станцияға аялдаған жолаушылар пойызындағы ақауларды анықтау мен сол мезетте қабылдануы тиіс амал-әрекеттер оқытылып, үйретілді. Сондықтан жылжымалы құрамдағы олқылықтарды мейлінше жедел анықтау мен қауіп-қетердің алдын алу техникалық сабақтың басты тақырыбына айналды. ВЧД-30 мекемесінің нұсқаушысы Олжас Еркінбек вагон қараушыларға доңғалақ жұптарын ауыстыру мен доңғалақ табаны мен жиегінің қалыңдығын өлшеуде қолданылатын шаблон-құрылғыларды тиімді әрі дұрыс пайдалану жолдарын кеңінен түсіндіріп, көрсетті.

Сонымен қатар шара аясында анықталған ақауды жедел қалпына келтірудің жай-күйі де мұқият талқыланды. Әрине, ақау күнде анықтала бермейді. Десек те, вагон қараушылар ондай сәтке қашан да сақадай сай дайын тұруы қажет.

Арыс вагон пайдалану депосының бас инженері Ғалым Байзақовтың айтуынша, Арыс – Орта Азия қақпасы болғандықтан, мұнда жылжымалы құрамдардың қатынауы тәулік бойы толастамайды. Сондықтан мұнда жүк және жолаушылар вагонының жай-күйін қадағалап, сервистік қызмет көрсету қарқыны жоғары. Осы орайда маман біліктілігі мен тәжірибесі, құрал-саймандарды тиімді пайдалануы зор маңызға ие.  

Техникалық сабақ кезінде еңбек қауіпсіздігі қағидаларын қатаң сақтай отырып, өнімді жұмыс істеу тетіктері де жан-жақты түсіндірілді. Мұның бәрі де қатысушылар үшін өндірістік жарақат алуға себеп болатын оқыс жағдайлардың алдын алудың негізгі амалы болып табылады.

 

Жаңалықтар
30.08.2025
ҚТЖ мен China COSCO Shipping стратегиялық ынтымақтастықты кеңейтуде
Аймақтар
29.08.2025
Еңбек ұжымының мүддесі бәрінен жоғары
Жолаушылар тасымалы / Инфографика
29.08.2025
Жыл басынан бері ҚТЖ пойыздары 7,8 миллионнан астам жолаушыны тасымалдады
Қауіпсіздік
29.08.2025
Қауіпсіздік ережелерін сақтау қатаң тексерілуде
Әлеумет
29.08.2025
Жеті жүз балаға оқу құралы берілді
Инфрақұрылым
29.08.2025
Ақтөбеде жеті разъездің құрылысы басталды
Аймақтар
29.08.2025
«Қазкөліккәсіп» төрағасы Сыр теміржолшыларын марапаттады
Инфрақұрылым
29.08.2025
Вокзалдар жаңа кейіпке енеді
Аймақтар
29.08.2025
Ақтөбе рельс-арқалық зауыты «Үздік өнеркәсіптік тауар» иегері атанды
Спорт
29.08.2025
Конституцияның 30 жылдығына орай «Қазкөліккәсіп» дартс турнирін ұйымдастырды
Әлеумет
29.08.2025
Жамбыл ЖТ бөлімшесі жаңа оқу жылына 347 балаға қолдау көрсетті
Жаңалықтар / Мұрағат
29.08.2025
Қазақстан теміржолшысы газеті, №70 29 тамыз 2025 жыл
Әлеумет
28.08.2025
Оқушыларға рюкзак тарту етілді
Әлемде
28.08.2025
Ұлыбританияда аккумуляторлы пойыз жаңа рекорд орнатты
Жаңалықтар
28.08.2025
ҚТЖ Сычуань және Чэнду логистикалық компанияларымен келіссөздер өткізді
Әлемде
28.08.2025
Ресейде алғашқы сутекті пойыздың дизайны таныстырылды
Аймақтар
27.08.2025
Жаңа оқу жылы қарсаңында балаларға мектеп құралдары табысталды
Жаңалықтар
27.08.2025
ҚТЖ басшылығы Сычуань провинциясының губернаторымен кездесті
Бейнелер
27.08.2025
Жаңа теміржол Өзбекстанға жүк тасымалын еселемек
Спорт
27.08.2025
Қызылорда теміржолшылары арасында шағын футболдан турнир өтті