Шымкентте өткелдер жөндеуден өтті

Аймақтар
06.01.2025, 12:18
Нұрлыбек Досыбай

Түркістан облысы бойынша меншікті тілші

Шымкент жол дистанциясының жолшылары өткен жылдың соңында қала аумағына кіретін күзетпелі 3 теміржол өткелінің екеуіне жөндеу жүргізді. Еңбекші ауданы аумағындағы Тіленшин және Момынов көшесіндегі күзетпелі өткелдердің рельс-шпалы мен астындағы қиыршық тасы да жаңартылды.

Төртінші телім басшысы Алтынбек Сәдібековтің айтуынша, таңертең басталған толаскез уақыты тиімді пайдаланылып, кешкі 21:00-де телімде қозғалыс қайта жанданған. Жұмысқа адам күшімен қатар  ДУОМАТ, ДГС, ПБР сынды арнайы техникалар да жұмылдырылған.

Жылжымалы құрамдардың қалаға кіріп-шығатын негізгі өткелі болғандықтан, дистанциялықтар мұнда пойыз қозғалысының қауіпсіздігін тәулік бойы қамтамасыз етеді. Сондықтан да автокөліктердің рельс үстімен қауіпсіз өтуіне жағдай жасап, шойын жол жиектеріндегі төсемдерді үнемі ауыстырып, жаңартып отырады.     Тиісті белгілер қойып, жарықтандырылады. Жаяу жүргіншілер үшін де барынша жағдай жасалған.

– Жоспарлы тапсырмаға сай жоғарыда аталған екі өткелде жөндеу жұмыстарын жүргізіп, нысанды сол күні қайта пайдалануға бердік. Оған серіктес мекемелер де үлес қосты, – дейді А.Сәдібеков.

Маман айтып отырған серіктес мекеме – қалалық автомобиль жолдарын жөндеу мекемесі екен. Олар рельс жиегіне төселген қиыршық тастың үстіне асфальт жабындысын төсеп, нығыздап берген. Сол сияқты, осы ауданға тиесілі мемлекеттік автокөлік инспекторлары да ауысым бойынша кезекшілік қызмет атқарып, өндірістік жұмыс кезінде қауіпсіздікті қатаң бақылауда ұстаған.

Шымкент жол дистанциясының жетекші инженері Ақтолқын Жоланова ұсынған деректерге сүйенсек, бүгінгі таңда Тіленшин көшесінде орналасқан ІІ санаттағы өткелден тәулігіне 7 840 автокөлік, 58-60 пойыз өтеді екен. Ал Момынов көшесіндегі өткел І санатқа жатады. Мұнда тәулігіне 12 428 көлік, 58 жылжымалы құрам өтеді.

– Мемлекеттік автокөлік инспекторларымен бірлесе отырып, салаға жауапты мамандар тұрақты түрде жүргізушілер мен жаяу жүргіншілерге арналған түрлі санатты рейдтік іс-шаралар ұйымдастырып тұрамыз. Нәтижесінде қауіпсіз қозғалыс үздіксіз қамтамасыз етіліп келеді, – дейді Ақтолқын Асырауқызы.

 

Жаңалықтар
30.08.2025
ҚТЖ мен China COSCO Shipping стратегиялық ынтымақтастықты кеңейтуде
Аймақтар
29.08.2025
Еңбек ұжымының мүддесі бәрінен жоғары
Жолаушылар тасымалы / Инфографика
29.08.2025
Жыл басынан бері ҚТЖ пойыздары 7,8 миллионнан астам жолаушыны тасымалдады
Қауіпсіздік
29.08.2025
Қауіпсіздік ережелерін сақтау қатаң тексерілуде
Әлеумет
29.08.2025
Жеті жүз балаға оқу құралы берілді
Инфрақұрылым
29.08.2025
Ақтөбеде жеті разъездің құрылысы басталды
Аймақтар
29.08.2025
«Қазкөліккәсіп» төрағасы Сыр теміржолшыларын марапаттады
Инфрақұрылым
29.08.2025
Вокзалдар жаңа кейіпке енеді
Аймақтар
29.08.2025
Ақтөбе рельс-арқалық зауыты «Үздік өнеркәсіптік тауар» иегері атанды
Спорт
29.08.2025
Конституцияның 30 жылдығына орай «Қазкөліккәсіп» дартс турнирін ұйымдастырды
Әлеумет
29.08.2025
Жамбыл ЖТ бөлімшесі жаңа оқу жылына 347 балаға қолдау көрсетті
Жаңалықтар / Мұрағат
29.08.2025
Қазақстан теміржолшысы газеті, №70 29 тамыз 2025 жыл
Әлеумет
28.08.2025
Оқушыларға рюкзак тарту етілді
Әлемде
28.08.2025
Ұлыбританияда аккумуляторлы пойыз жаңа рекорд орнатты
Жаңалықтар
28.08.2025
ҚТЖ Сычуань және Чэнду логистикалық компанияларымен келіссөздер өткізді
Әлемде
28.08.2025
Ресейде алғашқы сутекті пойыздың дизайны таныстырылды
Аймақтар
27.08.2025
Жаңа оқу жылы қарсаңында балаларға мектеп құралдары табысталды
Жаңалықтар
27.08.2025
ҚТЖ басшылығы Сычуань провинциясының губернаторымен кездесті
Бейнелер
27.08.2025
Жаңа теміржол Өзбекстанға жүк тасымалын еселемек
Спорт
27.08.2025
Қызылорда теміржолшылары арасында шағын футболдан турнир өтті